عەبووله
بەشۍ دوەمە
مزگیێما بێ زەمانەو قالو بەلای وەش کریابێ، تەپو تۆزو سەرداو گەرماو ڕۊژگاری کەردێ پەنە کەردەبۍ خەریکبێ وڕۆ، قولەپاسارێش ئاڵۆچیێبێنېرە، بانەکەش پەربێ چاڵ و چۆڵی، کوڕم گەرەکبێ تاوۆ تلنۊش، بنمیچەکاوە تۊڕەو پەسپەسەکڵا ئاڵۆچیێ بێنېرە، زمسانێنە ئجێ هێڵەکەنە پاسە ئاوی دێرە، چاڵەو خەڵوزیش بنیاڎەمی کۊرکەرۍ، خەڵکو دەگێ گلێرێ بیێ تەگبیرێش کەرا ورش شانا، چەنی ئانەیچە کوچێ فراوانیچش بکەرا، ڕېکێکەوتێ سەرو ئانەی کێ تاوۆ پېسە هەرمانبەری یاردەیشا بڎۆ، کێچ مەتاۋۊ بەزەڕ حەقو هەرمانبەرێ بڎۆ، یانەولا کەوتێ دەگا، منیچ یاوی گېرتەبێنێ چوون پیێوە هەن بەتەجروبەو ژیری وېم دەردەو هیچی مەوەرۆ، قەسەمم واردەبێ حەرگیس مەبۊ بەپیا، تاخیاتێ شوانەو دەگێچ واچۍ دەردەو نۆبەچیەتیچ مەوەرۆ چوون:
نە عەیوێ کەرۊ نەکتتێ کەرۊ
توتەکەیچ گەفۆ بێدەنگش کەرۊ
خەمم بۍ بەشداربۆ جەوەش کەردەیۆ مزگینە، منیچ وېم پەی نەگیریاو لوانی پەی لاو قێخاو دەگێ، واتم چېشتا کەرد؟ ماچۊ گردو دەگێ ئامێنێ فڵانەکەسی زیاتەر، حەرچن ناڵیانیشۆ وەنە واتم خۊ داواو گوڵپو نارنجڵەیت وەنە مەکەرمۍ، یان حەقو هەرمانبەرێ دە یان ڕوێ هەرمانە کەرە، ئا تەوەنێ ئاماوە جواب ئاڎ ناماوە، حەر ئجۆ چەنی ئاڎیم نەبۍ، عەبولەیچ ماچۊ منیچ وەشیێنە هەناسێ وەشم داو واتم ئۆخەی خەمم بۍ بیەبۆ پیا.
عەفان دەرەمەڕی.[1]
Questo articolo è stato scritto in (هەورامی) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Questo oggetto è stato visto volte 50
Scrivi il tuo commento su questo articolo!