سەرنووسینم وەهایە
بەناوی تاقە خوایە
هیچ کەس نازانێ چۆنە
نە تازە و نە کۆنە
ئەگەر بنووسم وتار
نووسراوە هەزار هەزار
هێندە ئەڵێم کائنات
بەبێ وەستا وانەهات
هەر کەس بڵێ بێ وەستا
ئەم کائناتە وەستا
بیر چۆن ئەڵێ وەهایە؟
چوونکوو موحتاجی خوایە!
بڵێین حەیوان و گیا
هەر خاک کردی بە تەنیا
خاکیش لە ڕۆژ جیا بوو
بە ملیۆن ساڵ وەها بوو
ئەی ڕۆژ دەسکاری کێیە؟
ئێش کێیە وا بەجێیە
بە خوا بەخوا موحتاجین
بۆ وەستا ناعیلاجین
لە فەلسەفە و لە حیکمەت
لە ئاسار و شەریعەت
علمی مەنقول و مەعقول
نووسراوە زۆر و بە تول
گشتی بنێن بەو لاوە
هێشتا کەشف نەکراوە
باسی خوا کەم و زۆر
ڕۆشن نابێ بە هیچ جۆر
خۆت مەخۆرە وەلوەلە
لەم بەحرە نەیکەی مەلە
بەحرێکە زۆر بێ پایان
چەن فەیلەسۆفی خنکان
خواجە نەسیر و خەییام
پیاوانی خوا چوار ئیمام
ابوالعلا و ئەفغانی
فەلاسفەی یۆنانی
ئەمانە هیچیان نەکرد
ڕێیان بەخوا هیچ نەبرد
ئەشعەری و موعتەزلە
سەرنەکەوتن لەم پلە
ئێمەی بێ علم و مایە
چی بکەین لەم موعەممایە
چاک وایە کە بێدەنگ بن
هەر وەک نەقشی ڕووی سەنگ بن
هۆزانەوان: #قانع#
دیوان: #باخچەی کوردستان#
[1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 38
Scrivi il tuo commento su questo articolo!