بەیاننامەیەک لە مەکۆی ڕواندزی #بزووتنەوەی گۆڕان#
سزادانی خەڵکی ڕواندز ڕابگرن
کێشەی نەبوونی ئاوی ماڵان لە #ڕواندز# کێشەیەکی سیاسییە و ئامانج لێی سزادانی خەڵکی تێکۆشەر و قارەمانی ئەو شارەیە. ئاوی تاڤگەی #بێخاڵ# بەشی تەواوی پارێزگای #هەولێر# دەکات. کە تەنیا 4کم لە کانی کۆگای ئاوی ڕواندز دوورە، ئامادە نین بۆری و پەمپی ئاوی بۆ دابن بکەن، کەچی بە درێژایی 40کم بۆ شوێنەکانی تر دابینکراوە. فەرمانگەی ئاوی ڕواندز و کارمەندانی خۆیان دەڵێن بوجەی پێویستیان بۆ دابین ناکرێت تا گرفتی ئاو چارە بکەین. ڕوونە لەو بوجە قەبە و گەورەیەی ئیدارەی #سۆران# دەتوانرا زۆر بە ئاسانی پشکی ڕواندز لە پڕۆژە خزمەتگوزارییەکان دابینبکرێت، بەڵام درێژەدان بە سیاسەتی سزادان و تینوکردنی ڕواندز و دۆڵی ئاکۆیان و گوندەکانی تر، بەرنامەیەکی سیاسی نەگریسە.
دەنگی خۆمان دەخەینە پاڵ دەنگی هاووڵاتییانی ڕواندز، داوا دەکەین هەرچی زووە ئیدارەی ئەو ناوچەیە کێشەی ئاو و خزمەتگوزارییەکانی تر چارە بکات. بەرپرسیارەتی ئەو دۆخە خراپەی خزمەتگوزاری لە ناوچەکە دەخەینە ئەستۆی دەسەڵاتی ئەو شارە و ئیدارەی سەربەخۆی پڕ جیاکاری.
بزووتنەوەی گۆڕان
مەکۆی ڕواندز
#03-07-2024#
[1]
Questo articolo è stato scritto in (کوردیی ناوەڕاست) lingua, fare clic sull'icona
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 24
Scrivi il tuo commento su questo articolo!