گۆتییەکۍ
یۊ ئەچا دیارتەرین گەلا دلۍ کوردەسانی کۊنینە ژیوێنۍ گۆتییەکېنۍ، کۊنتەرین سەرچەمە کە باسشان کەردېبان، دەقێ پاڎشێوە سۆمەرین بە نامۍ (لۆگال ئانی مێندوو) کە دلۍ هەزارەی یەرەمی وەڵۍ پېڎایینە ژیوان.
سنوورو قەڵەمڕەوی و نیشتەجابېیەی گۆتییەکا بە تەمامی ڕۊشن نییەن، بەڵام بەعام باوەڕ چامنەن میانو ڕۊخانەو سیروانی و زێی گولانېنە ژیوێنۍ و شارو (ئارابخا)، یانی کەرکوکو ئارۊېشا کەرڎەن مەڵبەندو دەسەڵاتداری وېشان.
گۆتییەکۍ بە چن شېۋازێ جیاوازۍ پېسە (گوتی، قوتی، کوتی) نامېشان ئامێنە، قسەو باسی فرە دەربارەو نامەکېشاوە هەن، کە باوەڕ چامنەن جە ناوچەکەیشاوە وەرگېریان کە جە پانیشتو ناوچەو (کردا) بېیەن.
گۆتییەکۍ دلۍ یۊ جە قۊناغەکانە بە سەرداری پاڎشا (ئیلولومیش) دەس مەگېران سەرو عېراقیرەو دەسەڵاتو ئەکەدیەکا بەکۊتا ماران، قسۍ ئانەی هەنە کە پەی ماوەو نزیک بە (100) ساڵا فەرمانڕەوایی ناوچەکەیشان کەرڎەبۊ، ئینەیچ پاسشەکەرڎەن نامېشان دلۍ تۊمارەکانە زېیاتەر دیارەبۊن و نامۍ بەشێ جە پاڎشا و دەسەڵاتدارەکاشا ئاشکەرابۊ، کە هەر چا ماوەنە نامۍ (21) پاڎشایاشا دلۍ لیستو پاڎشایانو سۆمەرینە تۊمارۍ کریێنۍ، پېسە (ئیلولومیش، سالاگاب، ئیریدوپیزیر) کە ئینەو دماییشان نامبانگێ فرەش هەن،چوونکوم دەقێ کۊنش شۊنیرە جیامەنەن، دلېشەنە باسو بەشێ جەژڵېوەسەربازیەکانو (ئیریدوپیزیر) مەکەرۊن[1].
Questo articolo è stato scritto in (هەورامی - Kurdish Hawrami) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Questo oggetto è stato visto volte 35
Scrivi il tuo commento su questo articolo!