ناونیشانی پەرتووک: ئەلێکسەندەر ئەرۆنسۆن (کاک ئەسکەندەر) لە کەمپی نازییەکانەوە بۆ بەرپەتی سێدارەی بەعسییەکان؛ پەرستارێکی هۆڵەندی یان سیخوڕێکی ئیسرائیلی لە کوردستان.
ناوی نووسەر: #یاسین سەردەشتی#
شوێنی چاپ: #سلێمانی#
چاپخانە: دیجیتاڵ
ساڵی چاپ: 2024
ژمارەی چاپ: یەکەم
پێشەکی نووسەر: ئەم بەرهەمەی بەردەست، هەوڵێکە بۆ دەرخستنی لاپەڕەیەکی ون لە مێژووی باشووری کوردستاندا لە سەروبەندی پەیماننامەی جەزایر و هەرەسهێنانی جووڵانەوەی چەکدارانانەی کوردستان بەڕابەرایەتی #مەلا مستەفا بارزانی# . هەوڵێکە بۆ پەردەلادان لە چارەنووسی پەرستارێکی جوولەکەی هۆڵەندی بەناوی ئەلێکسەندەر ئەرۆنسۆن، کە لە ئەیلولی 1974دا، بۆ کاری فریاگوزاریی و پێشکەشکردنی هاوکاریی پزیشکی بە پەنابەرانی کورد هاتبووە چیاکانی کوردستان و ناوچەی حاجی هۆمەران، ئەوەی کە لە دوای هەرەسی جووڵانەوەی کوردستان، کەوتە دەست سوپای بەعسییەکان و پاش شەش مانگ و نیو لە بەغدا، لەلایەن دادگای سەورەوە بەتۆمەتی سیخوڕیی بۆ ئیسرائیل و ڕاوێژکاریی بۆ مستەفا بارزانی سزای لەسێدارەدانی بەسەردا سەپێنرا و لە دواڕۆژەکانی ساڵی 1975دا، سزاکەی بەسەردا جێبەجێکرا و لە سەرەتای بەهاری 1976دا، تەرمەکەی ڕەوانەی ئەمستەردام کرایەوە.
سەرچاوە بنەڕەتییەکانی ئەم کارە مێژووییە، جگە لە ڕۆژنامە ئەرشیفییە هۆڵەندی و ئەمریکی و ئوسترالییەکان، ئەو زانیاریی و وێنە ونامانەشن کە کوڕەکەی ئەرۆنسن سەبارەت بە باوکی لە تۆڕی ئەنتەرنیێتدا بڵاویکردوونەتەوە و هەروەها ئەو پەرتووکەشە کە ئالان مێندێڵسۆن و جوان میکڵسۆن بە ئینگلیزیی سەبارەت بە ئەرۆنسۆن لە ساڵی 1992دا، بڵاویانکردووەتەوە. شایەنی باسە، ئەم کارە یەکەمین هەوڵە بە زمانی کوردیی لەسەر ئەرۆنسۆن و چارەنووسی لە کوردستان، هەر بۆیە دڵنیام کە گرنگیی خۆی دەبێت و هیوادارم ئەوانەشی ئەو کاتە لەنێو جووڵانەوەی کوردستان چالاک بوون و ماون، هەرچییەکیان لەیادە سەبارەت بەم جووە پەرستارە هۆڵەندییە قوربانییە لە تۆڕی ئەنتەرنیێتدا لەبیرکراوە، بە هەر شێوەیەک دەتوانن، بیخەنە بەردەستی خوێنەران، بۆ ئەوەی ڕووە نادیارەکانی ئەم کەسایەتییە و دوارۆژەکانی ژیانی لەنێو کورددا ئاشکرابێت.
[1]
Leggi il libro: ئەلێکسەندەر ئەرۆنسۆن (کاک ئەسکەندەر) لە کەمپی نازییەکانەوە بۆ بەرپەتی سێدارەی بەعسییەکان
Scaricare total:
75 volte
Preghiamo tutti gli scrittori, traduttori ed editori per informarci se non sono d'accordo per avere i loro libri scaricati dal server di Kurdipedia .
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 346
Scrivi il tuo commento su questo articolo!