یەکێتی ناوەندی کاراتێی ئێراق بە هەماهەنگی لەگەڵ لقی یەکێتییەکەی لە شاری #سلێمانی# پاڵەوانێتی یانەکانی باکوور و کوردستان ئەنجام دەدات.
بڕیارە لە ڕۆژانی هەینی و شەممەی داهاتوو ڕێکەوتی #26-04-2024# و #27-04-2024# ڕکابەرییە بەهێزەکانی ئەو پاڵەوانێتییە دەست پێبکات و بۆ ئەو مەبەستەش کوڕ و کچە پاڵەوانەکانی پێشمەرگە ئامادەکاری بەهێزیان ئەنجام داوە.
سەبارەت بە بەڕێوەچوونی پاڵەوانێتی یانەکانی ئێراق و بەشداری تیمی کاراتێی یانەی پێشمەرگە، (توانا سەعید) کارگێڕی تیمی کاراتێی یانەکە بۆ پێشمەرگە سپۆرت زانیاری زیاتری پێداین و وتی، ساڵانە یەکێتی کاراتێی ئێراق چەندین پاڵەوانێتی ئەنجام دەدات و ئەم پاڵەوانێتییەش یەکێک دەبێت لە چالاکییەکانی یەکێتی ناوبراو، هەروەک ناوبراو ئاماژەی پێکرد کە وەک یانەی پێشمەرگە بە شێوەی پاڵاوتن یاریزانانیان دیاری دەکەن بۆ بەشداریان لە ڕکابەرییەکان و لە ماوەی دوو ڕۆژ دوای ئامادەکاری چڕ هەردوو ئاستەکانی کوڕان و کچان یان دیاری کردووە.
جێگەی باسە پاڵەوانێتی کاراتێی یانەکانی ئێراق لەسەر ئاستی کوڕان و بۆ تەمەن خوار 21 ساڵ و پێشکەوتوان دەبێت و هەروەک لەسەر ئاستی کچانیش بۆ تەمەنەکانی (14 و 15 ، 16 و 17)، خوار 21 ساڵ و پێشکەوتوان دەبێت کە لە هەردوو جۆری یارییەکانی کۆمێتە و کاتادا یارییەکانیدا خۆی دەبینێتەوە.[1]
Questo articolo è stato scritto in (کوردیی ناوەڕاست) lingua, fare clic sull'icona
![](https://www.kurdipedia.org/images/flags/ku.png)
per aprire l'articolo in lingua originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Questo oggetto è stato visto volte 13
Scrivi il tuo commento su questo articolo!