- لە ناوچە سنورییەکانی قەزای #پشدەر# هێزەکانی سوپای پاسداران بە دەستڕێژی گوللە پێنج کۆڵبەری کورد برینداردەکەن و بەرپرسێکیش دەڵێت، برینداران ڕەوانەی نەخۆشخانە کراون.[1]
- #عوسمان بایدەمیر#، وتەبێژی هەدەپە ڕایگەیاند، هیوادەخوازن ڕیفراندۆمی گۆرینی دەستوور لەتورکیا ببێتە هۆکار بۆ کردنەوەی دەرگای نوێ و ئیرادەی گەل هەرچییەک بێت با ئه و سەربکەوێت.
- باشاک #دەمیرتاش# هاوسەری سەڵاحەدین دەمیرتاش هاوسەرۆکی گشتی پارتی دیموکراتی گەلان کە لە بەندیخانەی ئەدرنە زیندانیکراوە، بۆ یەکەمجار بەتەنیا دەنگیدا، لە پڕۆسەی ڕیفراندۆمی دەستوریدا کە ئەمڕۆ لە تورکیا دەستیپێکرد.[2]
- لە شاری #سلێمانی# بە بۆنەی ڕۆژی ژینگەی کوردستانەوە، چەندین چالاکی جۆربەجۆر لەلایەن ژینگە پارێزان، ڕێکخراوە ژینگەییەکان و ڕێکخراوەکانی کۆمەڵگای مەدەنی بەڕێوەچوون.
- لەژێر دروشمی بەگەڕ خستنی تواناکان لە پێناو پاراستنی ژینگەدا، زنجیرەیەک سمینار لە #زانکۆی سلێمانی# بەڕێوە دەچێت، کە بڕیار وایە تێیدا کۆمەڵێک بابەتی زانستی لەسەر ژینگەی هەرێمی کوردستان پێشکەش بکرێت.[3]

بەیانی ئەمڕۆ یەکشەممە 16ی نیسانی 2017، لە کاتژمێر 7:00وە دەنگدان بۆ ڕیفراندۆم لەتورکیا دەستیپێکرد و بە گشتی لە ناوخۆی تورکیا 55 ملیۆن و 319 هەزار و 222 کەس مافی دەنگدانیان هەیە و کۆی گشتی سندوقەکان167 هەزار و 140 سندوقە.
لەشاری ئەستەنبول 26،249 سندوق هەیە و 10 ملیۆن و 518 هەزار و 55 کەس مافی دەنگدانی هەیە، لەشاری ئەنقەرە کۆی سندوقەکان 10،306 و ژمارەی ئه و کەسانەی مافی دەنگدانیان هەیە سێ ملیۆن و 853 هەزار و 892 کەسە، کۆی سندوقەکان لەشاری ئیزمیر 9،031 سندوقە و ژمارەی دەنگدەران سێ ملیۆن و 174 هەزار و 549 کەسە.
شارەوانی تەواوی ناوچە جیاوازەکانی تورکیا هەموو ئه و کەسانەی نەخۆش و پەککەوتە و بەساڵاچوون گواستۆتەوە بۆ بنکەکانی دەنگدان تاوەکو مافی بەشداریکردنیان لەدەستنەدەن.
ماوەی دەنگدان لە کاتژمێری 7:00ی بەیانی تاوەکو 4:00ی پاشنیوەڕۆ لەناوچەکانی ڕۆژهەڵاتی تورکیا و 5:00ی پاشنیوەڕۆ لە ناوچەکانی ڕۆژئاوای تورکیا بەردەوام دەبێت.
و: پەیام
16-04-2017