کوڕی عوسمان بەگی کوڕی محەمەد پاشای #جاف#ە.
#عادیلەخانم#ی دایکی تاهیر بەگ کە لە بنەماڵەی ئەردەڵانیەکانە ڕۆڵێکی گەورەی هەبو لە دروستکردنی کەسایەتی ئەم شاعیرە بە توانایەدا.
تاهیربەگ خوێندنی ئەو سەردەمەی لە #هەڵەبجە# تەواو کردووەو بواری بۆ نەڕەخساوە خوێندنی باڵا تەواو بکات، بەڵام بەهۆی تێکەڵاوبوونی لەگەڵ ڕۆشنبیرانی ئەو سەردەمەداو لەڕێی خوێندنەوەی سەرچاوە وێژیەییەکانەوە بوو بەیەکێک لەخوێنەوارە ڕوناکبیرەکانی زەمانی خۆی.=KTML_Photo_Begin=https://www.kurdipedia.org/files/relatedfiles/2008/739/0003.JPG=KTML_Photo_Alt=تاهیر بەگی جاف=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/739/0003.JPG=KTML_Photo_End=
غەزەلە بەناوبانگەکانی تاهیربەگ تائێستاش بایەخی وێژەی خۆیان ماوە.
پێگەی کۆمەڵایەتی و سەرقاڵ بوونی بەئیش وکاری خێڵی جافەوە لە مەسەلە نیشتمانییەکان دایان نەبڕی، تاهیر بەگ هەمیشە داوای پێشخستنی کۆمەڵ و یەکگرتنی ڕیزەکانی کوردی کردووە.
هۆنراوەکانی بەزمانی تورکی و عەرەبی و فارسی نیشانەی ئەوەن تاهیر بەگ جگە لەوەی کوردی زانێکی بەسەلیقە بووە، لەزمانەکانی تریشدا شارەزاییەکی زۆری هەبووە.
چەند ساڵێ پێش دەستپێکردنی جەنگی یەکەمی جیهانی و ئەو کاتەی #مێجەرسۆن# بەناوی غولام حسێنی شیرازی لەماڵی تاهیر بەگا خۆی کردبوو بەخزمەتکار، تاهیر بەزیرەکی خۆی بۆی دەرکەوت ئەم کابرایە ئینگلیزە، بەڵام نهێنییەکەی هەڵنەماڵی و دوو بەدوو داوای لێ کرد بەزووترین کات ناوچەکە جێ بهێڵێ.
تاهیر بەگ ساڵی 1918 کۆچی دواییکرد و لە #عەبابەیلێ# بەخاک سپێردرا.