لە ساڵی 1890 لەسەردەمی عوسمانییەکان بووەتە ناحیە و بەپێی بڕیارێکی حکوومەتی هەرێمی کوردستان لە #12-10-2006# بوو بەشارۆچکەیەکی سەربەخۆی سەر بە پارێزگای #دهۆک#، و لە ڕۆژی #08-04-2007# ڕێورەسمی دە ست بەکاربوونی شارۆچکەکە بەرێوەچوو و بەرێز (مازن محەمەد سەعید) وەکو یەکەم قایمەقام دەست بەکاربوو.
ئەم دەڤەرە ڕووبەرەکەی نزیکە (400.000) مەتر دووجایە و ژمارەی دانیشتوانیشی دەگاتە (102) هەزار کەس و سێ ناحیە و 106 گوند لەخۆی دەگرێت، شوێنێکی ستراتیژی هەیە و دەکەوێتە نێوان هەر سێ پارێزگاکانی (دهۆک – #هەولێر# – #موسل#).
شارەدێیەکانی: #دارەتوو#، #کەلەک#، #ڕۆڤیا# لە خۆ دەگرێت.
دەکەوێتە نێوان هەردوو #زێی گەورە# لە ڕۆژهەڵاتەوە، و #زێی خازر# لە ڕۆژئاواوە،
هاوسنوورە لەگەڵ: لە باکوورەوە شارۆچکەی #ئاکرێ#، شارۆچکەی #شێخان#.
لە باشوورەوە: پارێزگای #هەولێر#.
لە ڕۆژهەڵاتەوە: شارۆچکەی ئاکری و زێی گەورە.
لە ڕۆژئاواوە: شارۆچکەی حەمدانییە، زێی خازر و شارۆچکەی شێخان.