ناوی تەواوی (سەڵاح سەعید حەمە قەزاز)
ناسراوە بە (سەڵاح چاوشین)
‎لەدایکبوی ساڵی 1947 ی گەڕەکی هۆلێی شاری #سلێمانی#.
‎ قۆناغەکانی خوێندنی سەرەتایی و ناوەندیی لەسلێمانی تەواو کردووه.
‎لە ساڵی 1961 پەیوەندیی بەڕێکخستنەکانی #پارتی دیموکراتی کوردستان#ەوە کردووه. 
‎لە ساڵی 1963 دا بۆتە پێشمەرگەی ناو شار. 
‎لە ساڵی 1964 لەکاتی سەرهەڵدانی دوبەرەکی لەناو سەرکردایەتیی پارتی دیموکراتی کوردستاندا، پشتگیریی باڵی مەکتەبی سیاسیی کردووه.
‎لە ساڵی 1968 دا له ئامادەیی پۆلیسی بەغدا وەرگیراوه. 
‎پاش دوو ساڵ خوێندنی تەواو کردوه و بە کۆمیسەری پۆلیس دامەزراوە. 
‎لە ساڵی 1972 پەیوەندیی بەڕێکخستنە نهێنییەکانی کۆمەڵەی (مارکسی - لینینی) یەوە کردوه. =KTML_Photo_Begin=https://www.kurdipedia.org/files/relatedfiles/2010/11090/0001.JPG=KTML_Photo_Alt=سەڵاح چاوشین=KTML_Style=width:25%;height:20%;float:right;=KTML_Photo_Target_Link=https://www.kurdipedia.org/files/relatedfiles/2010/11090/0001.JPG=KTML_Photo_End=
‎لەڕوی پیشەییەوە تا ساڵی 1974 لەسلێمانی، #هەڵەبجە#، ڕانیه، #هەولێر#، #ئامێدی# و #دهۆک# خزمەتی کردووه.
‎لە ساڵی 1974 دا، دوا بە دوای هەڵگیرسانەوەی شەڕ له نێوان کورد و حکومەتی عیراقدا، له دهۆک پەیوەندیی بەشۆڕشەوە کردووە.
‎دواتر بەپلەی سەرلق لەهێزی ئەزمر پێشمەرگایەتیی کردووە و لەشەڕەکانی حەوزی ڕ واندز و ناوچەی سلێمانیدا بەشدار بووه.
‎پاش نسکۆی شۆڕش لە ساڵی 1975 دا، دور خرایەوە بۆ دیوانیە و کەربەلا لەباشوری عیراق و کرایە فەرمانبەر لەفەرمانگەی ئەشغال و نیشتەجێ کردن.
‎لەوێ درێژەی به پەیوەندییە ڕێکخراوەییەکانی داو پشتگیریی پڕۆژەی دەستپێکردنەوەی خەباتی چەکداری کرد.
‎لە هاوینی ساڵی 1976 پەیوەندیی بەمەفرەزە سەرەتاییەکانەوە کرد و لەدۆڵی جافایەتی ژیانی پێشمەرگایەتیی دەست پێکردەوه.
‎ساڵی دواتر بووە بەرپرسی عەسکەریی ناوچەکانی بناری #قەندیل#.
لەکۆتایی هەمان ساڵ بۆ ناوچەی سلێمانی گەڕایەوه و لەوێدا ماوەیەک بووە بەرپرسی عەسکەریی ناوچەی قەرەداغ. 
‎ساڵی 1978 پەیوەندیی کرد بە (#نەوشیروان مستەفا#) وە کە له و کاتەدا فەرماندەی هەرێمی 3 ی شارباژێر بوو.
‎هەر ئه و ساڵە بووە بەرپرسی هێزی پارێزگاریی (تاڵەبانی) لەگوندی نۆکان و دواتریش بەفەرمانی تاڵەبانی لەگەڵ هەر یەک له (#مەلا بەختیار#، غەفور ساڵح ژاژڵەیی و جەمال عەلی باپیر) ڕەوانەی سنوری هەرێمی 4 کرا بۆ دابین کردنی پێداویستییەکانی بەهێزکردنی ئه و هەرێمه.
‎لەکۆتایی ساڵی 1978 دا کرایە فەرماندەی (هەرێمی دوو) که سنورەکەی ناوچەکانی #کەرکووک# و چەمی ڕەزان و شوان و سورداشی گرتۆتەوه.
‎ساڵی 1980 لەگەڵ هەر یەک له (ئەنوەر حەسەن، شاخەوان عەباس، ئاوات قارەمانی، شۆڕش ئیسماعیل، دانا ئەحمەد مەجید، ئەسکەندەر حاجی ئاغا ئاکرەیی، ڕەفیق سەبری و محەمەد غەریب عەبدوڵڵا) بەشدار بوو لەخولێکی عەسکەری لە لوبنان کەبەرەی دیموکراتی ڕزگاریخوازی فەلەستین بۆ کادیرە سەربازیە پێشکەوتوەکانی #یەکێتیی نیشتمانیی کوردستان# سازی کردبوو.
‎پاش تەواوکردنی خولەکە و گەڕانەوەی بۆ کوردستان، لەسنوری هەرێمی 6 لەبناری قەندیل درێژەی بەجموجوڵی پێشمەرگانەی دا.
‎ساڵی 1982 سەرپەرشتیی چەند خولێکی عەسکەریی کرد لەدۆڵی مالیمۆس لەنزیک گوندی کانی زەرد، هەروەها لەناوزەنگ.
‎لەم خولانەدا توانا سەربازیەکانی پێشمەرگە مەشقپێکراوەکان پەرەیەکی زۆریان پێ دراوه.
‎هەر ئه و ساڵە دوا بەدوای پێکهێنانی تیپەکان، کرایە فەرماندەی تیپی 31 ی بەرزنجه.
‎بەڵام زۆری نەبرد بەپلەی فەرماندەی تیپ گوێزرایەوە بۆ تیپی 47 ی پیرەمەگرون و له و ماوەیەدا لەناوچەی #سەردەشت# و بناری قەندیل بەشداریی لەئۆپەراسیۆنی هێزی پشتیواندا کرد.
‎لەماوەی 1984 - 1987 ئەندامی مەکتەبی عەسکەری بووه. 
‎لەساڵانی 1989 - 1990 دا، لەچوارچێوەی سەر لەنوێ ڕێکخستنەوەی هێزی پێشمەرگەدا، بۆتە جێگری لێپرسراوی مەڵبەندی یەک کەبارەگاکەی لەدزڵی بوو.
‎لە ڕاپەڕینی ساڵی  دا لە قاسمە ڕەش لەگەڵ ڕەوانشاد نەوشیروان مستەفا دا ڕۆڵێکی کاریگەری هەبوە، هەروەها لە ڕەوانەکردنی یەکەکانی هێزی پێشمەرگە بۆ ناو شار و ئامادەکردنی بارەگا بۆ خوالێخۆشبو جەنابی مام جلال،
‎دوای ڕاپەڕین یەکێک بو لە دامەزرێنەرانی دەزگای زانیاری و یەکەمین لێپرسراوی ئەودەزگایە، پاشان لێپرسراوێتی لیژنەی ئەمنی پارێزگای سلێمانی لەناو بەرەی کوردستانی پێ سپێردرا.
‎پاش پێکهێنانی حکومەتی هەرێمی کوردستان لەساڵی 1992، لەسەر داواو پێداگری مەکتەبی سیاسی و لەبەر پێویستی بارودۆخەکە، بەپلەی عەمید لێپرسراوێتی بەڕێوەبەری پۆلیسی پارێزگای سلێمانیی گرتە ئەستۆ.
‎لەساڵی 1996 دا کرایە بەرپرسی هەواڵگری لەفەرماندەی گشتیی هێزی پێشمەرگەی کوردستان.
‎لەساڵی 2005 دا بووە یاریدەدەری تاڵەبانی بۆ کاروباری پێشمەرگه و هەروەها نوێنەری تایبەتی تاڵەبانی لەناو فەرماندەیی گشتی هێزی پێشمەرگەی کوردستان.

‎ خەباتی لەناو بزوتنەوەی گۆڕان
‎دوایئەوەی لە کۆتایی 2006، ڕەوانشاد نەوشیروان مستەفا لە یەکێتی جیادەبێتەوە و کۆمپانیای وشە بۆ کاری میدیایی دادەمەزرێنێت، سەڵاح چاوشین وەک بیروباوەڕی سیاسیی لەناو پڕۆژە سیاسیەکەی کاک نەوشیروان جێی خۆی دەگرێت و یەکێک دەبێتە لە کەسە نزیک و باوەڕپێکراوەکانی ڕێکخەری پێشوی بزوتنەوەی گۆڕان.
‎ لە دامەزرێنەرانی بزوتنەوەی گۆڕانە
‎ ئەندامی لیژنەی پێکهێنانی جڤاتی گشتی بزوتنەوەی گۆڕانە
‎ لە کۆتای 2014 تا 2018، یەکەمین سکرتێری جڤاتی گشتی بزوتنەوەی گۆڕان بوە.
‎ لە خولی دوەمی جڤاتی گشتی بزوتنەوەی گۆڕان وەک بڕوابون بە پرەنسیپی دەستاودەستکردنی دەسەڵات لەناو جڤات دەستبەرداری پۆستی سکرتێری جڤات دەبێت و وەک ئەندامێکی کارا و کاریگەری جڤاتی گشتی دەمێنێتەوە.
‎ خۆی و بنەماڵەکەی وەکچۆن لە خەباتی چەکداری کوردی لە شۆڕشی ئەیلول و دواتر لە شۆڕشی نوێ وەک دەستەی پێشمەرگە سەرەتاییەکانی 1976 ڕۆڵی دیاری هەبوە، لەگەڵ دروستبونی یەکەم ئەزمەنی ئۆپۆزسیۆنی سیاسیی یەکێک بوە لە سەرکردە کاریگەرەکان کە پشتی لە پۆست و پلەی حیزبی و حکومی کردوەو، لەناو بزوتنەوەی گۆڕان پشتیوانی خەڵک و خەباتی مەدەنی و پەرلەمانیان کردوە.
‎ بەداخەوە، لە مانگی ئابی 2018 ەوە دوچاری نەخۆشی شێرپەنجە بوە و لەم ماوەیەدا چەندین جار چارەسەری لە دەرەوەی وڵات بۆ کراوە.[1]
‎ دوای وەرگرتنی چەند مانگێک لە چارەسەری پزیشکی، بەداخەوە بەرەبەیانی ڕۆژی 9ی ئازاری 2019 لە (نەخۆشخانەی شار) لە شاری سلێمانی ژیانئاوایی کرد و دڵە گەورەکەی لە لێدان کەوت.