- لە ئاکامی تەقینەوەی بۆمبێکی چێنراو لەسەر ڕێگای کەرکووک-دوزخورماتو، موقەدەم هێمن غازی ئامر فەوجی سێی لیوای (16)ی سلێمانی سوپای عێراق کوژراو و دو ئەفسەر تر و سەربازێک برینداربون و برینەکانیان زۆر سەختە.
- کاروانێکی کۆڵبەران بە دەیان ئەسپی بارکراوەوە لە ناوچەی شەهابەدینی بانەوە دەکەونە بۆسەی هێزێکی چەکداری سەر بە ڕژێمی کۆماری ئیسلامی ئێران و لەو هێرشەدا چوار کەس دەبنە ئامانجی ڕاستەوخۆی ئەو هێزانە .
بەپێی زانیارییەکان، دوای ئەوەی ئەو هێزانەی ڕژێم دەکەونە کۆمەڵکوشتنی ئەسپەکان و پەرتەوازەکردنی بارەکانیان دەکەونە دوای چوار لە کاسبکارەکان و لە ئەنجامدا دوو برا بەناوەکانی (حوسێن ڕۆستەم نژاد) تەمەن ١٦ ساڵ و ( هوشیار ڕۆستەم نژاد ) تەمەن ٢٠ ساڵ کوڕی محەمەد چاوشین و گەنجێکی تری تەمەن ١٨ ساڵ بەناوی ( ڕزگار کەمال کەتانی ) لەلایەن ئەو هێزانەوە دەستبەسەر دەکرێن و دەست و پێیان دەبەسترێتەوە بەرەو کێوی ( سورکێو ) دەبرێن، کە نزیکە لە شوێنی ڕووداوەکەوە .
چوارەم گەنج کە ناوی ( عەلی مام نادر ) خۆی لە دەستی ئەو هێزانە ڕزگار دەکات و ڕوو لە شوێنێکی مینڕێژکراو دەکات، لە کوژران خۆی ڕزگار دەکات بەڵام پێ دەنێ بە مینێکدا و قاچێکی لەدەست دەدات .
ئەو هێزانە کە دەست و قاچی ( حوسێن و هوشیار ڕۆستەم نژاد و ڕزگار کەمال کەتانیان بەستووە، لە سەر کێوی ( سورکێو )ەوە فڕیان دەدەنە خوارەوە . دوای ئەوەی ( عەلی مام نادر ) لەژێر چاودێری توندی هێزەکانی ڕژێمدا دەگەیەنرێتە نەخۆشخانە دەست بە تیمارکردنی دەکرێت، دوای سێ ڕۆژ لە ڕووداوەکە و گوندنشینانی ناوچەکە لە بناری کەندەکانی کێوی سورکێو بەدوای تەرمەکاندا دەگەڕێن. کاتێک تەرمەکان دەدۆزنەوە دەبینن هێشتا گرێکانی دەست و پێیان نەپچڕاوە و تەرمەکان دەبەنەوە .
פריט זה נכתב בשפה (کوردیی ناوەڕاست - Central Kurdish), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 14,415
כתוב את התגובה שלך על סעיף זה!