خەندان رەڤەند گوهەرزی
د هەیڤا ئێک یا ئەڤ سالە، ل کومەلگەها دەروازێ نیڤدەولەتی ئیبراهیم خەلیل، 794 تەن و 155 کیلۆیێن کەرەستەیان هاتینە ژناڤبرن و زڤراندن بۆ وی جهێ ژێ هاتی.
نەجمەدین نێروەیی، بەرپرسێ راگەهاندنا کومەلگەها دەروازێ نیڤدەولەتی ئیبراهیم خەلیل بو خەندان دیارکر: ل دەسپێکا سالا نوو یا ئەڤ سالە، د هەیڤا ئێکدا، ل ئیبراهیم خەلیل شیاینە 794 تەن و 155 کیلۆیێن کەرەستەیان ژناڤ ببەن و ب زڤرینن بۆ وی وەلاتێ کەرەستە ژێ هاتین.
بەرپرسێ راگەهاندنا کومەلگەها دەروازێ نیڤدەولەتی ئیبراهیم خەلیل گۆت ژی: ژ وان کەرستێن هاتینە ژناڤبرن و زڤراندن 160 تەن و 91 کیلۆ هاتینە ژناڤبرن و 634 تەن و 9 کیلۆ ژی هاتینە زڤراندن.
نەجمەدین نێروەیی ئەو ژی ئاشکەرا کر: ئەگەرێ زڤراندن و ژناڤبرنا پتریا ڤانا ژی، ڤەدگەریت بۆ وێ چەندێ کۆ ژ پشکنیناندا بسەر نەکەڤتینە و دگەل رێنما و مەرجێن پێدڤی نەگونجینە.
- 06-02-2014