رژێمی ئێران لە زیندانی ناوەندی ورمێ (10) زیندانی لەسێدارەدا و بەمشێوەیە لە ماوەی هەفتەی دواییدا ڕێژی زیندانیانی لەسێدارەدراو لە ورمێ گەیشتە (13) کەس. هەندێک سەرچاوەش ڕایانگەیاندوە کە لە ماوەی یەک ساڵی سەردەمی سەرۆک کۆماری حەسەن ڕوحانی زیاتر لە (700) کەس لەسێدارە دراون.
بە پێی هەواڵێکی هەرانا، دوێنی (10) زیندانی کە سزای لەسێدارەدانیان بەسەردا سەپێنرابوو، بۆ جێبەجێ کردنی سزاکانیان ڕەوانەی ژوورە تاکەکەسییەکانی زیندانی ناوەندی ورمێ کراون و تا کاتژمێر 12 ی شه و سزای هەر (10) کەسیان جێبەجێ کراوە.
چوار کەس لەوانە کورد و خەڵکی شاری ورمێ و سەلماس و دوو کەسی دیکەش ئازەری بوون و خەڵکی نەغەدە و ورمێ بوون. تۆمەتی ئه و (10) زیندانییەش قاچاغی مادە هۆشبەرەکان بووە.
جێگای ئاماژەیە ڕۆژی یەکشەممەش چوار کەسی دیکە لە هەمان زیندان لەسێدارە درابوون.
چالاکوانانی مافی مرۆڤ ئاماژە بەوە دەکەن کە لەماوەی یەک ساڵی حکومڕانی حەسەن ڕوحانیدا، زیاتر لە (745) کەس لە زیندانەکاندا سزای لەسێدارەدانیان بەسەردا جێبەجێ کراوە و ئەمەش لە کاتێکدایە کە دامودەزگای چاپەمەنی و فەرمییەکانی ئه و وڵاتە تەنیا (319) حالەتی لەسێدارەدانیان ڕاگەیاندوە و ئەوانەی دیکە لەلایەن هاوڵاتیانەوە ڕاگەیەندراوە.
لە ماوەی ساڵی ڕابردوودا زیاتر لە (38) زیندانی سیاسی لە زیندانەکانی جیاجیای وڵات لەسێدارە دراون کە زۆربەشیان کورد، بەلوچ و عەرەبی ئەحوازی بوون.
פריט זה נכתב בשפה (کوردیی ناوەڕاست), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 5,343
כתוב את התגובה שלך על סעיף זה!