کامەران عەبدە ساڵح
بەپێی ئاماری دەزگا پەیوەندیدارەکان، لەماوەی 40 ڕۆژی ڕابردوودا، 14 حاڵەتی خۆکوشتن و کوشتن لەسنوری ئیدارەی ڕاپەڕین تۆمارکراوە.
ڕائید مستەفا محەمەد، لێپرسراوی ڕاگەیاندن و پەیوەندییەکانی بەڕێوەبەرایەتی پۆلیسی ڕاپەڕین، بە خەندان-ی ڕاگەیاند: لە سەرەتای مانگی تەمموزی ڕابردووەوە تا ئەمڕۆ یەکشەممە 10ی ئابی 2014، چواردە حاڵەتی جیاجیای خۆکوشتن و کوشتن لە سنوری هەردوو قەزای پشدەرو بیتوێن تۆمارکراون.
وتیشی: "لەکۆی ئه و ژمارەیە، 4 حاڵەتی کوشتن و، 6 حاڵەتی خۆکوشتن کە چواریان بە فیشەک و دوانیان خۆخنکاندن بووە،بەدیدەکرێن".
ئاماژەشی بەوەدا کە"کەسێکیش خۆی سوتاندووە و دوو کەسی تریش لە ئاوی زێ و ڕوبارەکاندا خنکاون، هۆکاری کوژرانی یەکێکیشیان نادیارە".
رائید مستەفا ئەوەشی خستەڕوو کە "تەواوی قوربانییەکانی ئه و 40 ڕۆژە، لە توێژی گەنجانن و دۆسیەی هەندێک لە تاوانەکان لای پۆلیس یەکلا کراونەتەوە و دۆسیەی هەندێکیشیان تائێستا کاریان لەسەردەکرێت".
ئاشکراشیکرد، کەسێک کە لە سەرەتای ئەم مانگەدا تۆمەتبارە بە کوشتنی هاوسەرەکەی، لە دەست یاسا ڕایکردووە و تائێستا نەتوانراوە دەستگیربکرێت.
- 11-08-2014
פריט זה נכתב בשפה (کوردیی ناوەڕاست), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 5,452
כתוב את התגובה שלך על סעיף זה!