لەبارەی سەرۆکایەتی هەرێمەوە قسە دروستکردن بەناوی گۆران و نەوشیروان مستەفا عەلی حمە ساڵح لێره و لەوێ قسەی ئەوە دەکرێت کە گۆڕان ڕازی بووە ویلایەتی مەسعود بارزانی بەم شێوەی ئێستای کە لە پۆستی سەرۆکی هەرێم درێژبکاتەوه و کاک نەوشیروان ئەمەی پێوتوون. بەدڵنیایەوە ئەمە ڕاست نییە، ئه و کارە نایاساییەی لە 2013 دا، بەڕێوەچوو بۆ درێژکردنەوەی ویلایەتی سەرۆکی هەرێم قابیلی دوو بارە بوونەوە نیه و بە خیانەت لە دیموکراسی و پێشێلکردنی یاسایی دەزانین. ئەوەش دەڵێت کاک مەسعود بەنیاز نیە ببێتەوە سەرۆکی هەرێم و گۆڕان پێی باشە ببێت !! کاک مەسعود، کارێکی باش دەکات نایەوێت ببێتەوە سەرۆکی هەرێم و هیوادارین ئەم نیەتەی کەهەیەتی وەک باس دەکرێت بێتە کردار، بە دڵنیایی تەکلیف لە کەسیش ناکەین ببێتە سەرۆکی هەرێم. هەموو لایەکیش دڵنیابن یاسا شکێنی بۆکەس ناکەین و تەنیا لە خەمی سیستمێکی حوکمڕانیداین، کە دیموکراسی بەرهەمبهێنێت.
פריט זה נכתב בשפה (کوردیی ناوەڕاست), לחץ על סמל
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 7,968
כתוב את התגובה שלך על סעיף זה!