لە ساڵێکدا 11 مەلا لە سنووری کەرکووک چوونەتە نێو ڕێکخراوی دەوڵەتی ئیسلامی داعش و سێ لەو مەلایانەش بەدەستی پێشمەرگە کوژراوان.
پێنج مەلای دیکە بەرلەوەی بچنە ڕیزی داعش دەستگیرکراون، ئەو مەلایانە بەشێکیان خەڵکی شارەکەن و بەشێکی دیکەیشیان لە ئەنبار و ناوچەکانی دیکەوە هاتبوونە کەرکووک.
بەگوتەی بەرپرسانی وەقفی سوننە لە کەرکووک هێشتا هەندێک مەلا لە کەرکووک هەن لایەنگری داعش دەکەن، ئەوان لە هاوئاهەنگیدان لەگەڵ دەزگا ئەمنییەکان بۆ لێکۆڵینەوە لە پرسەکە.
ئەمە لەکاتێکدایە، کە بەشێکی مەلاکان پێشتر لەریزی ڕێکخراوی قاعیدە بوون و دوای داعش چوونەتە ڕیزەکانی ڕێکخراوەکە.
پۆلیسی کەرکووکیش ناوی چەند کەسێک لەوانە بۆ ڕووداو ئاشکرا دەکات، کە خۆیان وەک مامۆستای ئایینی ناساندووە و بوونەتە داعش، لەوانەش مەلا جاسم، مەلا مەجید، مەلا تەها، مەلا محێدین، کە خەڵکی دیاربوون و پێشتر لە نێو قاعیدە بوون لەم دواییانەش لەگەڵ داعش لە سنووری حەویجە بوون.
- 11-06-2015
פריט זה נכתב בשפה (کوردیی ناوەڕاست), לחץ על סמל
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 3,401
כתוב את התגובה שלך על סעיף זה!