دواڕۆژ، نوسینگەی هەولێر
سەرۆکی یەکێتی وەبەرهێنەرانی هەرێمی کوردستان ڕایدەگەیەنێت، ناسەقامگیری ئەمنی و مانەوەی کێشەکانی نێوان هەرێم و بەغدا وایکردووە بانکە بیانییەکان قەرز بە وەبەرهێنەرانی هەرێمی کوردستان نەدەن و وەبەرهێنانیش 85% کەمیکردووە.
ئەحمەد ڕێکانی، سەرۆکی یەکێتی وبەرهێنەرانی هەرێمی کوردستان، بە دواڕۆژی ڕاگەیاند، بانکە بیانییەکان متمانەیان بە هەرێمی کوردستان نییە، بەهۆکاری شەڕی داعش و ناسەقامگیری دۆخی ئەمنی و بەردەوامبوونی کێشەکانی نێوان هەرێم و بەغدا، ئەمەش وایکردووە بانکە بیانییەکان قەرز نەدەن بە وەبەرهێنەرانی هەرێمی کوردستان.
ئەحمەد ڕێکانی، ئاشکراشیکرد، ئاستی وەبەرهێنان بە ڕێژەی 85% کەمیکردووە و لە ساڵانی ڕابردوودا ئەو مۆڵەتانەی بۆ وەبەرهێنەران دەدران دەیان ملیار دۆلاربوو، بەڵام ئێستا بۆتە 1 ملیاردۆلار.
سەرۆکی یەکێتی وەبەرهێنەران ئەوەشی خستەڕوو، ڕێژەی 15% وەبەرهێنەرانی هەرێمی کوردستان لە کۆی زیاتر لە 400 وەبەرهێنەر ڕووبەرووی گرفتی دارایی گەورە بوونەتەوە و ناتوانن چیتر لە کارەکەیان بەردەوام بن.
ناوبراو، وتیشی "ئابووری هەرێمی کوردستان پێویستی بە دووبارە پێداچوونەوە هەیە، چونکە دووچاری کێشەی گەورە بووە و زۆربەی وبەرهێنەرانیش لە تەنگژەیەکی ئابووری گەورەدان".
- 13-11-2016
פריט זה נכתב בשפה (کوردیی ناوەڕاست), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 7,662
כתוב את התגובה שלך על סעיף זה!