دواڕۆژ، محەمەد عەلی وەلی
وەزیری کۆچ و کۆچبەرانی عێراق، لە ئامارێکی نوێدا ئاشکرایکرد، لەسەرەتای دەستپێکردنی ئۆپەراسیۆنی ئازادکردنی موسڵەوە، ژمارەی ئاوارەکان گەیشتۆتە 71119 کەس و ژمارەی ئەوانەش کە گەڕاونەتەوە بۆ شوێنی خۆیان گەیشتۆتە 9053 ئاوارە.
جاسم محەمەد، وەزیری کۆچ و کۆچبەرانی عێراق و سەرۆکی لیژنەی بەدەمەوەچوون و لەخۆگرتنی ئاوارەکان لە کۆبوونەوەی دەوری لیژنەی باڵای ئاوارەکاندا ئاشکرایکرد، تا ئێستا ژمارەی ئاوارەکان گەیشتۆتە 71119 کەس، هەروەک ئه و کەسانەی کە گەڕاونەتەوە بۆ سەرماڵ و حاڵی خۆیان دوای ئازادکردنی ناوچەکانیان گەیشتۆتە 9053 کەس.
له و کۆبوونەوەیەدا کە ڕاگەیاندنی وەزارەتەکەی وردەکارییەکەی بڵاوکردۆتەوە و پارێزگاری موسڵیش میوانداریکراوە، بۆ تاوتوێی بارودۆخی ئاوارەکان و شێوازی بەدەمەوەچوونیان لە کامپەکان و پێش گەیشتنیان به و کامپانەوە، ڕێوشوێنی گەڕانەوەیان دوای دڵنیابوون لە پاککردنەوەی ناوچەکانیان.
لیژنەی باڵای ئاوارەکان بەسەرۆکایەتی جاسم محەمەد له و کۆبوونەوەیەدا، ڕەزامەندی خۆی لەسەر کردنەوەی کامپێکی شەش هەزار خێوەتی بۆ لەخۆگرتنی ئاوارەکان دەربڕیوە لە خۆرئاوای پارێزگای موسڵ.
- 24-11-2016
פריט זה נכתב בשפה (کوردیی ناوەڕاست), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 6,569
כתוב את התגובה שלך על סעיף זה!