دواڕۆژ، هۆگر کەمال:
بەپێی ئامارێکی نەخۆشخانەی منداڵبوونی سلێمانی لەماوەی 11 مانگی ڕابردووی ئەمساڵدا 16 هەزار و 779 منداڵ لەدایکبوون و دوو دایکیش لەکاتی منداڵبووندا گیانیان لەدەستداوە.
بەپێی ئامارێکی نەخۆشخانەی منداڵبوونی سلێمانی، کە وێنەیەکی بۆ دواڕۆژ نێردراوە، تێیدا هاتووە، لەماوەی 11 مانگی ڕابردووی ئەمساڵ 16 هەزار و 779 منداڵ لە سلێمانی و دەوروبەری لەدایکبوون، بەجۆرێک هەشت هەزار و 522 منداڵیان کوڕ و هەشت هەزار و 257 منداڵیشیان کچ بوون.
ساڵی ڕابردوو لە سلێمانی و دەوروبەری 20 هەزار و 802 منداڵ لەدایکبوون، کە 10 هەزار و 488 منداڵیان کوڕ و 10 هەزار و 314 منداڵی تریشیان کچ بوون.
لە ئامارەکەدا ئەوەش خراوەتەڕوو، لەماوەی 11 مانگی ڕابردووی ئەمساڵ هەزار و 894 منداڵ تووشی لەبارچوون بوون، بەڵام لە ساڵی پاردا دوو هەزار و 933 منداڵ لەبارچوون.
ئامارەکەی نەخۆشخانەی منداڵبوونی سلێمانی ئەوەشی خستۆتەڕوو، لەماوەی 11 مانگی ڕابردووی ئەمساڵدا 256 منداڵ بە مردوویی لەدایکبوون، جگەلەوەش 195 منداڵ لە خودەج مردوون و هەر له و ماوەیەشدا دوو دایک لەکاتی منداڵبووندا گیانیان لەدەستداوە، بەڵام لە ساڵی ڕابردوودا 320 منداڵ بە مردوویی لەدایکبوون و 244 منداڵیش لەناو خودەج مردوون، هەروەها حەوت دایک لەکاتی لەدایکبوونی منداڵدا گیانیان لەدەستداوە.
- 16-12-2016