رۆژی سێشەممە 29-12-2015، وەک بەڕێوەبەری گشتیی پۆلیسی #کەرکووک# دەستبەکار بوو.
عەمید خەتاب لە کۆنگرەیەکی ڕۆژنامەڤانیدا لە بارەگای بەڕێوەبەرایەتیی گشتیی پۆلیس، دەستبەکاربوونی خۆی ڕایگەیاند و داوای لە هاونیشتمانیانی کەرکووک کرد، یارمەتیدەری پۆلیس و هێزە ئەمنییەکان بن.
عەمید خەتاب عومەر پێشتر بەڕێوەبەری پۆلیسی ئامادەی کەرکووک بووە و لەسەر پشکی #یەکێتیی نیشتمانیی کوردستان# بووەتە بەڕێوەبەری گشتیی پۆلیس.
پێشتر وەزیری ناوخۆی عێراق بڕیاری گۆڕینی ژمارەیەک بەرپرسی ئەمنی و ئیداری پارێزگای کەرکووکی دەکردبوو، لەنێویاندا بڕیاری گۆڕینی لیوا جەمال تاهیر، بەڕێوەبەری گشتیی پۆلیسی کەرکووکیش هەبوو.
کارنەکردن بەو بڕیارە، کێشەکانی نێوان کەرکووک و بەغدای زەقتر کرد و کار گەیشتە ئەوەی وەزارەتی ناوخۆی عێراق مووچەی نزیکەی 12 هەزار پۆلیسی ئەو پارێزگایەی بڕی.
دوای سەردانێکی د. #نەجمەدین کەریم#، پارێزگاری کەرکووک بۆ بەغدا، ئەو کێشەیە چارەسەرکرا و عەمید خەتاب عومەر وەکو پاڵێوراوی یەکێتی وەک بەڕێوەبەری گشتی پۆلیس ناسێندرا.
פריט זה נכתב בשפה (کوردیی ناوەڕاست - Central Kurdish), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 6,355
כתוב את התגובה שלך על סעיף זה!