کۆمەڵانی خەباتکاری خەڵکی کوردستان
بنەماڵەی سەربەرزی گیان بەختکردوان
هاوڕێیانی تێکۆشەری ڕیزەکانی کۆمەڵه
بە داخی و پەژارەیەکی زۆرەوە پێتان ڕادەگەیێنین کە بەرەبەیانی ئەمرۆ ڕێکەوتی 2ی پووشپەری 1396ی هەتاوی، دەستەیەک پێشمەرگە و هاورێیانی ڕێکخستنی نەهێنی کۆمەڵه لە ناو شاری سنه کەوتنه کەمینی هێزەکانی #کۆماری ئیسلامی# و سێ کەس لە هاورێیانمان بە ناوەکانی #سەباح حوسەین پەناهی#، #حامید سەیف پەناهی# و #بێهزاد نووری# دوای شەڕێکی نابەرابەر و قارامانانە گیانی ئازیزیان لەپێناو ئامانجه بەرزەکانی گەلی کورد و کۆمەڵه بەخت کرد.
کومیتەی ناوەندی کۆمەڵه وێرای دڵگرانی سەبارەت بەو ڕووداوە دڵتەزێنه، سەرەخۆشی گەرمی خۆی و هەموو ڕیزەکانی کۆمەڵه ئاراستەی بنەماڵە و هاوڕێیانی ئەو گیان بەختکردوانه دەکات و خۆی بە شەریکی خەمیان دەزانێت، هەموو خەڵکی کوردستان و سەرجەم ڕیزەکانی کۆمەڵەش دڵنیا دەکاتەوە کە کۆماری ئیسلامی بە گرتن و کوشتن و کەمین دانان بۆ تێکۆشەرانی گەلی کورد هەروەک تا ئێستاش نیشانی داوە نەیتوانیوە ورەی قارەمانانەی ڕۆڵە تێکۆشەرەکانی گەڵەکەمان دابەزێنێت.
هەروەها هەموو دوستان و هاورێیانی کۆمەڵه و بزووتنەوەی کوردستان ئاگادار دەکەینەوە کە هاورێیانی ئێمه بە ورەیەکی بەرز و خۆراگرییەکی کەم وێنەوە حەماسەیەکی پڕشەنگداری دیکەیان بۆ کۆمەڵه و گەلی کورد تۆمار کرد. لەو شەڕە نابەرابەرەدا هێزەکانی کۆماری ئیسلامی چەندین کوژراو و برینداریان بەرکەوتوە و هاورێیانی ئێمه بۆ جارێکی دیکەش نیشانیاندا کە سنە شاری هەمیشه کۆمەڵەیه و دەسەڵاتی نەگریسی کۆماری ئیسلامی هەرگیز ناتوانێت ورەی مقاومەتی ڕۆلەکانی ئەو شاره قارەمانه لەناو بەرێت.
بەرز و بەڕێز بێت یادی سەرجەم گیانبەختکردوانی ڕێگای ئازادی و بزووتنەوەی ڕەوای گەلی کورد
#کۆمەڵەی شۆڕشگێری زەحمەتکێشانی کوردستانی ئێران#
سکرتاریەتی کومیتەی ناوەندی
23،06،2017 زایینی
2ی پووشپەری 1396ی هەتاوی