وتەبێژی گەشتوگوزاری #سلێمانی# ڕایدەگەیەنێت، لە ڕۆژانی 22، 23، 24ی حوزەیران زیاتر لە 19 هەزار گەشتیار ڕوویان لە شاری سلێمانی کردووە.
ئارام شوانی، وتەبێژی بەڕێوەبەرایەتی گەشتوگوزاری سلێمانی، بە دواڕۆژی وت لە ماوەی سێ ڕۆژی 22، 23، 24ی حوزەیرانی 2017، لە ڕێگەی مەرزی باشماخ و بازگەکانی (عەربەت، تاسڵوجە، کەڵەوانان) و فڕۆکەخانەوە 19 هەزار 716 گەشتیار ڕوویان لە شاری سلێمانی کردووە.
وتیشی بە مەبەستی پێشوازیکردن لە گەشتیاران بۆ سنوری پارێزگای سلێمانی و ئامادەکاری بۆ پێشوازی لە گەشتیاران بەڕێوەبەرایەتیمان بە پێکهێنانی سێ لیژنە ئامادەکاری کردووە بە ئامانجی پێشوازیکردن و نەهێشتنی ئه و کەموکوڕیانەی کە بەرەوڕووی گەشتیاران دەبنەوە.
بەپێی ئامارێکی گەشتوگوزار لە جەژنی ڕەمەزانی ساڵی ڕابردوودا 44 هەزار و 677 گەشتیار ڕوویان لە شاری سلێمانی کردووە، هەروەها لە تەواوی ساڵی ڕابردوودا 728 هەزار و 823 گەشتیار ڕوویان له و شارەی هەرێمی کوردستان کردووە.
25-06-2017
פריט זה נכתב בשפה (کوردیی ناوەڕاست), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 5,145
כתוב את התגובה שלך על סעיף זה!