دواڕۆژ، عیسا عەبدولقەهار
بەڕێوەبەرایەتی #نەهێشتنی ماددەی هۆشبەر# لە #هەولێر# ڕایدەگەیەنێت، لەماوەی دوو مانگدا 58 کەس بەتۆمەتی بەکارهێنانی ماددەی هۆشبەر دەستگیرکراون و بڕێکی زۆری ماددەی هۆشبەریش دەستیبەسەردا گیراوە.
بەپێی ڕاگەیاندراوێکی بەڕێوەبەرایەتی نەهێشتنی ماددەی هۆشبەری سەر بە ئاسایشی هەولێر، کە ئەمڕۆ چوارشەممە 2ی ئاب بڵاویانکردۆتەوه و وێنەیەکی بۆ دواڕۆژ نێردراوە، ئاماژە بەوەکراوە لەماوەی 1ی تەمموز تا 1ی ئابی 2017، 58 کەس بەتۆمەتی بەکارهێنانی ماددەی هۆشبەر لە هەولێر دەستگیرکراون و دراونەتە دادگا.
لە ڕاگەیاندراوەکەدا هاتووە، ئه و کەسانەی بە تۆمەتی بەکارهێنانی ماددەی هۆشبەر دەستگیرکراون 30 کەسیان دادگایی کراون و بەپێی ماددەی 14 یاسای ماددەی هۆشەبەرەکان سزادراون.
لەبارەی ئه و بڕە ماددە هۆشبەرانەی دەستیبەسەرداگیراوە، لە ڕاگەیاندراوەکە هاتووە کە 100 لیتر شلەی ئەسیدو 210 گرام تریاک و 50 گرام گیای جامایی و هەزارو 500 شیت حەبی ترامادۆڵ و 200 شیت حەبی تریڤین دەستیان بەسەرداگیراوە.
لەبارەی ناسنامەی ئه و کەسانەی کە دەستیان بەسەرداگیراوە، دواڕۆژ پەیوەندی بە بەرپرسانی نەهێشتنی ماددەی هۆشبەرکرد، بەڵام ئامادەنەبوون ناسنامەی تۆمەتباران ئاشکرابکەن.
02-08-2017
פריט זה נכתב בשפה (کوردیی ناوەڕاست), לחץ על סמל
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 4,346
כתוב את התגובה שלך על סעיף זה!