کۆمپانیای گاس پڵاس #خەلەکان# بەنیازە هەڵکۆڵینی بیری چوارەمیش لە بلۆکی نەوتی خەلەکان دەستپێبکات
کۆمپانیای (گاس پڵاس خەلەکان) کە کۆمپانیای سەرکارە لە کێڵگەی نەوتی خەلەکان ئامانجیەتی لە داهاتوودا، ئاستی بەرهەمهێنانی نەوت بۆ 10 هەزار بەرمیل نەوت بەرزبکاتەوە.
ئه و کۆمپانیایە ڕایگەیاند پڕۆسەی هەڵکەندنی بیری نەوت بەردەوامی هەیە و ئێستا ئاستی بەرهەمهێنانی نەوت لەو کێڵگە نەوتییە ڕۆژانە 4 هەزار بەرمیل نەوتە و ئەو کۆمپانیایە ئامانجیەتی لە داهاتوودا ئاستی بەرهەمهێنانی نەوت بۆ 10 هەزار بەرمیل نەوت بەرزبکاتەوە.
ئەو کۆمپانیایە ڕایدەگەیێنێت، بیری شیوەشان بەردەوامە لە بەرهەمهێنانی ڕۆژانە 4 هەزار بەرمیل نەوت و چاوەڕوان دەکەن، ئاستی بەرهەمهێنانی نەوتی ئەو بیرە بۆ ڕۆژانە 10 هەزار بەرمیل بەرزبکەنەوە، نەوتی ئەو بیرەش بە تانکەر دەگوازرێتەوە بۆ بازاڕی ناوخۆ و دەدرێتە پاڵاوگە نەوتییەکان.
هەروەها کارەکانی ئامادەکردنی بیری شیوەشان 2 لەو بلۆکە تەواوبووە و ئێستا ڕۆژانە 500 تا 700 بەرمیل نەوت بەرهەمدەهێنێت.
گاس پڵاس خەلەکان ڕایگەیاندووە کارەکانی هەڵکۆڵینی بیرەی ژمارەی 3 ی شیوەشان دەستیپێکردووە و چاوڕوان دەکرێت تا کۆتایی ئەمساڵ بیری نەوتی شیوەشان 3 تەواو بێت، بۆ ئەو مەبەستەش 16 ملیۆن دۆلاری بۆ تەرخان کراوە.
کۆمپانیای گاس پڵاس خەلەکان هەروەها بەنیازە هەڵکۆڵینی بیری ژمارە چواریش لە بلۆکی نەوتی خەلەکان دەستپێبکات.
کۆمپانیای (گاس پڵاس خەلەکان) خاوەندارییەتییەکەی دەگەڕێتەوە بۆ کۆمپانیای (رەینج ئێنێرژی) کەنەدی،(تاوفیک چاهین) بەڕێوەبەری جێبەجێکاری کۆمپانیای ڕەینج ئێنێرجی ڕایگەیاند، پێشەکەوتنەکانی کۆمپانیاکە لە کێڵگەی شیوەشان و بلۆکی خەلەکان بەردەوام دەبێت و خۆشحاڵن کە گاس پڵاس خەلەکان بەردەوامە لە بەرزکردنەوەی ئاستی بەرهەمهێنانی نەوت لەو کێڵگەیەدا.[1]