دواڕۆژ، کۆچەر عەلی
وتەبێژی #وەزارەتی کارەبا#ی هەرێم ڕایدەگەیەنێت، دوای ئه و ڕێککەوتنەی حکومەتی هەرێم لەگەڵ کۆمپانیای دانەغاز ئەنجامیداوە بۆ بەره و پێشبردنی کێڵگەکانی غاز، کارەبای هەرێم بە ڕێژەی 160% زیاددەکات.
محەمەد هەورامی، وتەبێژی وەزارەتی کارەبای حکومەتی هەرێم بە دواڕۆژی ڕاگەیاند، ئه و ڕێککەوتنەی بەم دواییانە لە نێوان حکومەتی هەرێم و کۆمپانیای دانەغاز ئەنجامدراوە بەشێکی داهاتەکەی بۆ بەرهەمهێنانی کارەبا تەرخانکراوە کە بە 400 ملیۆن دۆلار دەخەمڵێندرێت.
وتەبێژی وەزارەتی کارەبا وتیشی، ئه و پارەیە بۆ پێشخستنی هەردوو کێڵگەی غازی کۆرمۆر لە قادر کەرەم و کێڵگەی غازی #چەمچەماڵ# خەرج دەکرێت، کە لە ماوەی دوو ساڵدا ڕێژەی بەرهەمهێنانی کارەبا بە 160% زیاد دەکات.
محەمەد هەورامی، ئاماژەی بەوەشکرد، بەپێی ڕێککەوتنەکە پێدانی کارەبای هەرێم زۆر لە ئێستا باشتر دەبێت، چونکە برێکی زۆری غازەکە بۆ بەرهەمهێنانی کارەبایە، ئه و غازەی ئێستا نزیکەی دوو هەزار مێگاوات کارەبای لێبەرهەم دێت، لە ماوەی دوو ساڵی داهاتوودا دەبێتە چوار هەزار مێگاوات، بەمەش کاتژمێرەکانی پێدانی کارەبا بە هاوڵاتیان زۆر زیاد دەکات.
ئه و لێدوانەی بەرپرسەکەی وەزارەتی کارەبا لە کاتێکدایە لە دواین ڕێژەی بەرهەمهێنانی کارەبا لە ئێستادا دوو هەزار و 600 مێگاوات کارەبایە و خواستیش لەسەر کارەبا زیاتر چوار هەزار مێگاواتە.[1]
11-09-2017
פריט זה נכתב בשפה (کوردیی ناوەڕاست), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 3,243
כתוב את התגובה שלך על סעיף זה!