لە چەند کاتژمێری ڕابردوودا زۆر لە هاووڵاتیان پرسیاری جۆری ڕووماڵی کوردستان24 مان لێدەکەن. لێرەدا بە بینەران و هاووڵاتیانی خۆشەویست ڕادەگەیەنین کە ئێمە هاووڵاتیان بە شایستەی ئەوە دەزانین زانیاریی ورد و ڕاستیان پێ بگەیەنین و هەموو شتێک لە قەبارەی خۆی بخەینە ڕوو.
لە بارەی دوا پێشهاتەکانی کەرکووک و خانەقین، ئەوەی ڕاستی بێت خۆپیشاندانی گەنجان بەرامبەر بە ڕەفتاری نامرۆڤانەی حەشدی شەعبی، جێگەی شانازیی کوردانی سەرانسەری جیهان بووە و لە هەواڵەکانماندا ڕووماڵی ئەم ئازایەتیەمان کرد، بەڵام لە بارەی حەشدی شەعبیەوە، لەگەڵ ئەوەی حەیدەر عەبادی بڕیاریداوە، تەنیا پۆلیسی فیدراڵی و دەزگا ئەمنیەکان لە پاریزگەی کەرکووک بمێننەوە، بەڵام ئەوەی ڕاستییە هیشتا کەرکووک و خانەقین و شنگال و زۆرێک لە ناوچە کوردستانیەکانی دیکەی دەروەی هەرێم، لە ژێر چەپۆکی ئەو هێزە داگیرکەرە دایە و هیچ پاشەکشەیەکیان لە باشووری کوردستان نەکردووە. ئەوەی هەیە گوایە بڕیار دراوە لە ناو گەڕەکەکاندا نەمێنن و لە دەرەوەی شارەکان جێگیر ببن و ئێستاش دەروازەی هەموو شارەکان بە دەستی ئەم هێزە تایفیەیە. ئەم هێزە هێشتا بەردەوامە لە ئازاردانی خەڵک و زیندانی تایبەتیان لە ناو کەرکووک و شارەکانی دیکەدا داناوە.
لەم دۆخە هەستیارەدا هەموو هەوڵمان ئەوەیە، بە شێوەیەکی پرۆفیشناڵانە و پیشەییانە، زانیاری ڕاست و دروست و دوور لە سۆز و هەڵچوون، بە بینەرانمان بگەیەنین و لەم ڕەوتەش بەردەوام دەبین.
19-10-2017
פריט זה נכתב בשפה (کوردیی ناوەڕاست), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 3,900