بەپێچەوانەی چاوەڕوانی و داخوازییەکانی کورد بۆ زیادکردنی پشکی هەرێمی کوردستان لە #بودجە#ی 2018ی عێراقدا، حەیدەر عەبادی، سەرۆکوەزیرانی عێراق زیاتر کەمیکردەوە.
#مەسعود حەیدەر#، ئەندامی لیژنەی دارایی پەرلەمانی عێراق بە (تۆڕی میدیایی ڕووداو)ی ڕاگەیاند: عەبادی ڕەشنووسێکی دیکەی دەستکاریکراوی پڕۆژەیاسای بودجەی 2018ی ڕەوانەی پەرلەمان کردووەتەوە، بەڵام لەبری ئەوەی پشکی هەرێمی کوردستان زیادبکات، کەچی هێشتا کەمی کردووەتەوە.
ئەندامەکەی لیژنەی دارایی دەڵێت: بەپێی ڕوشنووسە نوێیەکەی پڕۆژەیاسای بودجە کە بۆ پەرلەمان نێردراوە، لەو پشکەی بۆ هەرێمی کوردستان دیاریکرابوو، عەبادی نزیکەی 50 ملیار دیناری دیکەیشی کەمکردووەتەوە.
مەسعود حەیدەر کە کوردە و ئەندامی فراکسیۆنی بزووتنەوەی گۆڕانە، دەشڵێت: ئەمە جێگەی ئەوپەڕی سەرسوڕمانییە، دیارە عەبادی مەبەستییەتی کێشە و ئاڵۆزی دروستبێت، بۆئەوەی پڕۆژەیاسای بودجە تێپەڕ و پەسەند نەکرێت.
سەرۆکوەزیرانی عێراق پێشتر لە بودجەدا 6 تریلیۆن و 643 ملیار دیناری وەکو پشکی هەرێمی کوردستان دیاریکردبوو، کەچی ئێستا کردوویەتییە 6 تریلیۆن و 597 ملیار دینار. ئەمە وەک مەسعود حەیدەر باسی دەکات.
حکومەتی هەرێمی کوردستان چاوەڕوانی ئەوەبوو عەبادی پشکی هەرێمی کوردستان لە بودجەدا لە 12.67% بۆ 17% زیادبکات، نۆ ئەم مەبەستەش 9 داواکارییان پێشکەشی سەرۆکوەزیران کردبوون، بەڵام تاوەکو ئێستا وەڵامی داواکارییەکانی نەداوەتەوە.[1]
#11-02-2018#
פריט זה נכתב בשפה (کوردیی ناوەڕاست), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 2,358
כתוב את התגובה שלך על סעיף זה!