سبەینێ جەژنە، جەژنی ڕەمەزانە. ئێمە دیسان جارێکی ترو جەژنێکی تر لە دۆخێکی ئاڵۆزدا دەکەین. لە باکور و باشوورو ڕۆژاوا هێرش بۆ لەناوبردنی گەلی کورد بەردەوامە. دەوڵەتی تورکیا دوای داگیرکردنی عەفرین ڕووی هێرش و داگیرکاریی کردۆتە باشووری کوردستان. لە ڕۆژهەڵاتیش دۆخێکی ئاڵۆز هەر بەردەوامە. لە بەرامبەر ئەم هێرش و داگیرکاریەدا، شەڕی ئازادی و بەرخۆدانی گەلی ئێمە بە هەموو شێوەیەک بەردەوامە.
چ سەمەرەیەکە! ئەوەی لە جەژنی ڕەمەزاندا هێرش دەکاتە سەرمان، نەک هەر خۆی بە موسڵمان دەزانێ، بەڵکو خۆی وەک سەرۆک و ڕابەری موسوڵمانان لە قەلەم دەدات. ڕۆژی جەژن لەبەردەمی کامێراو سەر تەلەفزیۆن دەردەکەوێت و دەڵێ موسوڵمانی درووست و خێرخواز ئێمەین. بەم درۆو دەلەسانە و بە خۆساردنەوە لەژێر پەردەی ئایندا، خواستی ناڕەواو نامرۆڤانەی خۆی بەسەر گەلی ئێمەدا دەسەپێنێ.
بێگومان گەلی کورد لە هەرچوار پارچەی کوردستان و لە هەموو شوێنێکی تر، ئەو خەڵکەی جاران نین. ئێستا هۆشیارەو لە ناو تێکۆشانێکی نەتەوەیی دیموکراتکی سەردەمیدایە. ئیدی نە دەرۆزەکەری بەردەرگای زۆردارانەو نە بەو درۆیانە دەخەلەتێ و نە ژێردەستیش قبوڵ دەکات. ئیدی هیوای بە خۆی و ڕێبەرایەتی خۆی و تێکۆشانی خۆی هەیە.
ئێمە بەهیواین لەو بڕوایەداین کە گەلی کوردستان لە دەرفەتێکی نزیکدا بە ئارامی و ئاشتی و ئازادیی، جەژن و ئاهەنگی شادیی دەگێڕێ. بەم بۆنەیەوە جەژنی ڕەمەزان، سەرەتا لە زیندانیان و جەنگاوەرانی ئازادی، لە گەلی کوردستان و تەواوی جیهانی ئیسلامیی پیرۆزدەکەین.
کۆنسەی بەڕێوەبەریی #کۆنگرەی نەتەوەیی کوردستان# – ک.ن.ک
#14-06-2018#
פריט זה נכתב בשפה (کوردیی ناوەڕاست), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 2,903
כתוב את התגובה שלך על סעיף זה!