قاز نابێ بەباز [1]
دوو پەلەوەرن هەرچەند ناوەکانیان لە سێ پیت پێکهاتووە، بەڵام لە تایبەتمەندیدا زۆر جیاوازن. بۆیە گوتراوە قاز نابێت بە باز.
یا وەک قازی بمێنەوە یا ببە بە باز.
قازتان بینیووە هەر سەری وەک گلەیی دەهێنێت و دەبات و هەمیشە بۆلەبۆل دەکات، ئەی بازشتان بینیووە لە سەر سەرەوە وەک ئەوەی هەموو شتێکی کۆنترۆل کردبێ، دەسوڕێتەوە و دەنگی لێوەنایەت.
ئیتر بە دەستی خۆتە، دەتوانی وەک قاز هەر خەریکی بۆلەبۆل بیت و جنێو بە حکومەت و ژینگە و دەوروبەرت بدەیت و هیچ بەرپرسیارییەتێکی ژیان و بارودۆخ لە ئەستۆ نەگری و یا دەتوانی وەک باز بیت و ئامانجێکت هەبێت و خەریکی بەدیهێنانی بیت. و بۆ ئەوەی کۆمەڵگا بگۆڕێت خۆت بگۆڕی و بۆ ئەوەی کۆمەڵگا پێش بکەوێ خۆت پێش بخەی!
بڕیار بە دەست خۆتە! [Rasul Saleh]