ئیدارەی خۆجێیی #شنگال# دەڵێ، کەس هاوکار نییە بۆ ئاوەدانکردنەوەی شنگال و حکومەتی عێراقیش بە ئەرکی خۆی هەڵنەستاوە بەرامبەر قەزاکە، لەبەرئەوەش 85%ی خەڵکی نەگەڕاونەتەوە قەزاکە.
مەحما خەلیل، قایقمامی شنگال، لە میانی بەشداریکردنی لە بووڵتەنێکی تۆڕی میدیایی ڕووداو، لەبارەی دۆخی شارۆچکەی شنگال لەڕووی ئاوەدانکردنەوە ڕاگەیاند: زیاتر لە 16 هەزار خانووی خەڵکی شنگال وێرانبوونە، تاوەکو ئێستا کەس خۆی لێنەکردووە بە خاوەن، ئێمە سوپاسی هەرکەسێک دەکەین کە توانیویەتی هاوکاری ئێمە بکات.
مەحما خەلیل، دەڵێت: ڕێز لە خەڵکی شنگال، هێزی ناشەرعی لە شنگال و ڕەفتارەکانیان وایکردووە 85%ی خەڵکی شنگال ناگەڕێنەوە قەزاکە، هێشتا خەڵکی شنگال چاوەڕێی جینۆسیادە، زیاتر لە 70 گۆڕی بە کۆمەڵ لە شنگال هەیە، زیاتر لە 3 هەزار دایک و خوشکی ئێمە لەدەستی #داعش#ن، سوپاس بۆ حکومەتی هەرێمی کوردستان کە تاوەکو ئێستا زیاتر لە 3 هەزار و 350 کەسی ڕزگارکردووە.
قایقمامی شنگال، دەشڵێت، سەرەڕای بڕیاری پەرلەمانی عێراق کە شنگالی وەکو ناوچەیەکی وێرانبووی دەستی داعش ناساندووە، بەڵام حکومەتی عێراق کەمتەرخەمییەکی زۆری لەلایەنی مرۆیی و نیشتمانییەوە پێوەدیارە، ڕێز لە بڕیارەکانی خۆی ناگرێت.[1]
#05-12-2018#
פריט זה נכתב בשפה (کوردیی ناوەڕاست), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 2,935
כתוב את התגובה שלך על סעיף זה!