لە دوای ئەنجامدانی ڕیفراندۆم لە باشوری کوردستان کە لە 25 / 9 / 2017 ئەنجامدرا کە کاریگەریەکانی لەساڵی 2018 ڕەنگی دایەوە جگە لەوەی نیوەی خاکی باشوری کوردستان ڕادەستی حکومەتی عیراق کرایەوە، ئیرادەی خەڵکی هەرێمەکەش دووچاری گەورەترین بێ باوەڕی و نائومێدی بوو و دەسەڵاتی دەوڵەتە داگیرکەرەکان زیاتر بەهێز بوون، پێگەی هەرێمیش لە گۆڕەپانی عیراقدا زیاتر لاواز بوو، کار گەیشتە ئەوەی حیزبە دەسەڵاتدارەکانی هەرێمی کوردستان لە پێناو بەرژەوەندی خۆیان جارێکی تر 180 پلە زمان و هەڵس و کەوتیان بەرامبەر ناوەند بگۆڕێ، هەروەها دوای ئەو کارەساتە دەستبەجێ ناوچە کێشەلەسەرەکان تەسلیم بە هیزە عێراقیەکان کراوەیەوەو زۆر بە داخەوە لە ئێستاشدا بەرێوەبەرانی ئەو ناوچانە لەهەندی شوین مامەڵەیەکی خراپ لەگەڵ پێکهاتە جیاوازەکاندا دەکەن هەرچەندە ئەو کات ئێمە خەڵکی کوردستان و دەسەڵاتدارانی ئەو هەرێمانەمان لەو مەترسیە ئاگادارکردەوە و پرۆژەو نەخشەریی چارەسەریمان پیشخست، بەڵام هیزەکانی دەسەڵات گوییان پی نەدا. ئەگەرچی تەڤگەری ئازادییی کەبە درێژایی زیاترلە 3 ساڵ لە هەوڵی مۆڵەت وەرگرتندا بوو لە هەرێمی کوردستان بەڵام حکومەتی هەرێمی کوردستان لە فشار زیاتر هیچ وەڵامێکی پۆزەتیفی نەبوو.
تەڤگەری ئازادییی دوای سەرلێدانی کۆمیسێۆنی باڵای سەربەخۆی هەڵبژاردنەکان لە بەغداد بە کەمترین ماوە مۆڵەتی ڕەسمی و یاساییی وەرگرت و هەرلەسەرەتای ئەمساڵ‌دا توانی کۆنگرەی دەمەزراندن لەچوارچیوەی فەرمییەتدا ببەستیت بەئامادەبوونی زیاتر لە1050 ئەندام. لەساڵی 2018 دا دووهەڵبژاردن ئەنجام دران, یەکیک لە12/5 بۆ پەرلەمانی عیراق و تەڤگەری ئازادییش لەگەڵ لیستی نەوەی نوێ بەشداری هەڵبژاردنی پەرلەمانی عێراقی کرد، لە کاتێکدا لە بەرانبەر کاندیدەکانمان زۆرترین خروقات و تەزویر کرا بەلام سەرەڕای ئەوەش ئەندامێکی تەڤگەری ئازادیی بۆ پەرلەمانی عێراق سەرکەوتنی بەدەستهێنا.
هەروەها لە هەڵبژاردنی هەرێمی کوردستانیشدا کە لە 30/9 دا ئەنجام درا کەمترین خەڵک بەشداریان تێدا کرد،هەرچەندەش تەڤگەری ئازادیی بە شێوەیەکی ڕەسمی و یاسایی وەکو قەوارەیەکی سیاسی ویستی بەشداری هەڵبژاردنی پەرلەمانی هەرێمی کوردستان ببێت، بەڵام بە بڕیارێکی سیاسی و نا یاسایی لیستی تەڤگەری ئازادییان قەدەغە کرد، چونکە تەڤگەری ئازادیی لە پێناو چارەسەرکردنی کێشەکاندا تێدەکۆشا بە پشت بەستن بەئیرادەی جەماوەر، بەڵام حیزبە دەسەڵاتدارە وابەستەکانی هەرێمی کوردستان دژی ئیرادەی ئازادیی خەڵک بون بۆیە بەهەمو شێوەیەک کەوتنە دژایەتی تەڤگەری ئازادیی ولیستەکەیان قەدەغەکرد، تەڤگەری ئازادیی بۆ پرسە سیاسی و بەڕێوەبەرایەتی و ئابوری پڕۆژی چارەسەریی پێشکەش بە جەماوەر و پەرلەمان و حکومەتی هەرێمی کوردستان کرد بەڵام لەبەر ئەوەی دەسەڵات لەگەڵ چارەسەری کێشەکاندا نەبوو پڕۆژەکەی تەڤگەری ئازادییشیان قبوڵ نەکرد، ڕۆڵی ئۆپۆزیسێۆنیش ڕۆڵێکی شکلی و بی کاریگەر بوو نەیانتوانی ڕێ لە ساختەکاری و گەندەڵیەکانی دەسەڵات بگرن، ئەمانیش لە گەشتن بە دەسەڵات دا پرسە گرنگەکانی خەڵکیان لە بیر کرد و پێگەی هەردوو حیزبیان زیاتر بەهێز کرد، ئەوەتا بۆ زیاتر لە 3 مانگە هەڵبژاردن کراوە بەڵام حکومەت پێک نەهاتووە، هۆکارەکەش تەنها دەسەڵات نیە بەڵکو لاوازی هێزەکانی دەرەوەی دەسەڵاتیشن. لەلایەکی ترەوە دەستێوەردانەوەکانی دەوڵەتانی هەرێمی (تورکیا-ئێران) لەڕووی سیاسی و ئابووری و کۆمەڵایەتییەوە تادێت زیاتر دەبێت و هاوتەریب لەگەڵ ئەوەدا حکومەت و دام و دەزگاکان بێ ئیرادەتر دەبێت و ئەمەش وادەکات کە مەترسیەکان بۆ بەرقەراربوونی ئازادیی و دیموکراسی له باشوری کوردستان و عێراق زیاتر ببن.
کێشەی موچەی فەرمانبەران و نەبوونی هەلی کارو خزمەتگوزاری و ئارامی کە هەتا ئێستا چارەسەر نەکراوە کاریگەریەکی زۆری خستوەتە سەر ژیان وگوزەرانی خەڵک و بێکاریەکی زۆری خوڵقاندووە تەنانەت کار گەیشتوەتە ئەوەی چەندین کێشەی کۆمەڵایەتی تری لێ کەوتوەتەوە وەکو جیابونەوەی خێزان و ژن کوشتن و پەنا بردن بۆ چونە دەرەوەی وڵات و خۆ تەسلیم کردن بە قەدەرێکی زۆر خراپ و نادیار.
هیرشی سەربارەگاکانی تەڤگەری ئازادیی لەلایەن حکومەتی هەرێمەوە جگەلە سیاسەتی خۆ تەسلیم کردن بە داگیرکەران لەم هەرێمەدا هیچ واتایەکی نییە. ئەمەش لەکاتێکدایە کەلەگەڵ گۆرانکاریەکانی ناوچەکەدا گەلەکەمان پێویستی بەیەکریزی و یەکگرتوویی هەیە، بەڵام بەداخەوە هەندێ هێزو لایەن نابەرپرسانە مامەڵە لەگەڵ ئەو دۆخەدا دەکەن و خزمەتی بەرژەوەندیەکانی داگیرکەران دەکەن و کاریگەریی ڕاستەوخۆشی لەسەر بەشەکانی تری کوردستان هەبووە، هەروەها ناکرێت دەوڵەتی تورکیا لەوەزیاتر گۆشەگیریی لەسەر ڕێبەر ئۆجالان دابنێت و چارەسەریەکانی نادیدە بگرێت کە دەتوانین بڵێین لە غیابی ڕۆڵی ڕێبەر ئۆجالاندا مەترسی زیاتر لە سەر گەلەکەمان و گەلانی ناوچەکە زیاتر دەبێت، هەربۆیە یەکڕیزیی و گوتاری هاوبەشمان پێویستیەکی حەتمییە لەم قۆناغەدا.
لەئیستادا تەڤگەری ئازادیی سەرەرای ئەو فشارانەی بەپیلانی داگیرکەران لەسەری بەریوە دەبریت بەڵام لەبەستنی کۆنفراسی هەریمەکانیدایە و ئامادە کاری دەکات بۆ بەستنی کۆنگرەی سێهەمی, ئەوەش نیشانی ئەدات کەتەڤگەری ئازادیی لەگەڵ گۆرانکاریەکاندا لەئامادەکاری نوێبونەوەدایەو خۆی ئامادە دەکات بۆ قۆناغی داهاتوو.
تەڤگەری ئازادیی لەپلاننامەو پرۆژەو نەخشەڕێکانیدا بۆ ساڵی داهاتوو خۆی ئامادە دەکات بۆ پێشەنگایەتی داخوازی و نارەزایەتیەکانی جەماوەر کە بێگومان بانگەوازیی لە هێزەسیاسیەکان و ڕێکخراوەکانی کۆمەڵیی مەدەنیی و کەسایەتییە ئازادیییخوازەکان دەکەین کە لەبەرانبەر بەم بارودۆخە هاوکار و هەماهەنگ بن بۆدانانی نەخشەڕێیەکی چارەسەرییەکی دیموکراتیانە.
#تەڤگەری ئازادیی کۆمەڵگەی کوردستان#
#30-12-2018#