دوابەدوای کۆبوونەوەی ڕۆژی سێشەممەی ئەنجوومەنی وەزیران، ئەنجوومەن ژمارەیەک بڕیاری پەیوەست بەپشووی ناوەندەکانی خوێندن دەرکرد، لەم بارەیەوە بەپێویستمان زانی ئەم ڕونکردنەوەیە لەبارەی ئەم بابەتەوە بخەینەڕوو.
پشووەکان بەم شێوەی خوارەوە دەبێت:
1- لە سەرجەم ناوەندەکانی خوێندن و باخچە و قوتابخانە و پەیمانگاکانی سەر بە #وەزارەتی پەروەردە# (حکومی و ناحکومی / ئەهلی) لە ڕۆژی چوارشەممە ڕێکەوتی 26-2-2020 تاوەکو ڕۆژی سێشەممە ڕێکەوتی 10-3-2020دەبێتە پشووی فەرمی، و (ڕۆژانی 11- 23-3-2020 پشووی ساڵانەی خوێندنە لە بەهار)، و ڕۆژی سێشەممە 24-3-2020 خوێندن له و شوێنانە دەستپێدەکاتەوە.
2- لە سەرجەم زانکۆ و پەیمانگاکانی سەر بە #وەزارەتی خوێندنی باڵا# و توێژینەوەی زانستی (حکومی و تایبەتەکان) لە ڕۆژی شەممە ڕێکەوتی 29-2-2020 تاوەکو ڕۆژی سێشەممە ڕێکەوتی 31-3-2020 دەبێتە پشووی فەرمی (کە ڕۆژانی 11 – 23-3-2020 لەخۆ دەگرێت وەک پشووی ساڵانەی خوێندن لە بەهار)، و ڕۆژی چوارشەممە #01-04-2020# خوێندن له و شوێنانە دەستپێدەکاتەوە.
3- بەڕێزان هەردوو وەزیری پەروەردە و خوێندنی باڵا و توێژینەوەی زانستی دەسەڵاتی قەرەبووکردنەوەی ئه و ڕۆژانەیان هەیە کە بە پشوو ئەژمارکراون بۆ ساڵی خوێندنی 2019- 2020.
4-. وەزارەتی کار و کاروباری کۆمەڵایەتی دەسەڵاتی ڕێکخستنەوەی دەوامی دایەنگە و خوێندنگە و پەیمانگاکانی سەر بە وەزارەتیان پێ دەدرێت بە ڕەچاوکردنی بڕگەکانی ئەم بڕیارە و مەبەستەکانی دەرچوونی.
د.جوتیار عادل
گوتەبێژی حکومەتی هەرێمی کوردستان
#26-02-2020#