ئینستیتۆی فەرهەنگی یارسانی
detta institut är en vetenskaplig, kulturell, litterär och konstnärlig förening. regionerna pahlavian och yarsan, som inkluderar lak, kalhor, hawramani, fili, dimli och andra invandrare från regionen, är aktiva.
این انستیتو یک انجمن علمی، فرهنگی، ادبی، هنری است؛ که در خصوص منطقه ی پهلویان و یارسان که شامل ایلات لک، کلهر، هورامانی، فیلی، دیملی و سایر مهاجرین از این منطقه هستند فعالیت میکند.
ئەم ئەنیستیتۆیە ئەنجومەنێکی زانستی، فەرهەنگی، وێژەیی و هونەرییە؛ لە تایبەتمەندییەکانی ناوچەی پەهلەوییان و یارسان کە ئێڵاتی: لەک، کەلهوڕ، هەورامان، فەیلی، دیملی و تەواوی کۆچبەرانی ئەو ناوچەیە دەگرێتە خۆ، دەکۆڵێتەوە.
ئەنستیتۆی فەرهەنگیی یارسان درێژەی بەرنامەگەلێکە کە لە ساڵی 1390هەتاویدا لە ژێر ناوی بونیاد ئینسکلۆپیدیای یارسان دامەزراوە. ئەم دامەزراوەیە ئێستا بە شێوەی بەربڵاوتر لەژێر ناوی ئەنستیتۆی فەرهەنگیی یارسان لە وڵاتی سوێد ناوی تۆمار کراوە و درێژە بە کار و چالاکییەکانی خۆی دەدات. ئەنستیتۆ خاوەنی ئارشیڤ و پاشخانێکی گەورەیە لە بەڵگەنامە و دەستنووسی کۆن و لە چوارچێوەی دامەزراوەیەکی فەرهەنگی – هونەری و ئەدەبی دامەزراوە و لە پێناوی زانستی مرۆڤی (مێژوو، فەلسەفە، ئایین، هونەر، جوگرافیا و کۆمەڵناسی...) لە قەڵەمڕەوی جوگرافیای پەهلەوییان توێژینەوە دەکات. تێکۆشانی ئەم ئەنستیتۆیە لەژێر ناوی یارسان دەگەڕێتەوە بۆ سەر ئەوەی کە بە درێژایی مێژوو لە ناوچەی پەهلەوییان، یارسان گەلێک جار لە گەڵ هێرشی بێبەزەییانە ڕووبەڕوو بووە و هاوکات هەموو مێژوو، فەلسەفە، هونەر، ئەدەبیات و زمانی ئەم ناوچەیە قەرزاری یارسانە. لە لایەکی دیکەوە ڕەسەنایەتی ئێڵ و تایفەکانی ناوچەی پەهلەوییان بە گشتی لە سەر بناخەی وشەی یارسان بونیاد نراوە. دانانی وشەی یارسان لە سەر ناو ئەنستیتۆەکە بۆ ئەوە نییە کە ئەم ناوەندە تەنیا بۆ کۆمەڵگەی یارسان تێکۆشان بکات، بەڵکوو هەر کەسێک ئەگەر بیەوێت لە بارەی مۆسیقا، زمان، ئەدەبیات و کۆمەڵناسی، دیرۆک... لە ناوچەی پەهلەوییان لێکۆڵینەوە بکات، ناچارە دواجار پەنا بەرێتە بەر یارسان و مێژووی یارسان. هەم بەم بوونەوە هەڵبژاردنی وشەی یارسان بە واتای باری ئیدۆلۆژی ئەم وشەیە نییە، لە بەر ئەوەیە بە پێی بەڵگە، یارسان گەنجینەی فەرهەنگی و هونەری ناوچەکەیە. قەڵەمڕەوی کاری ئەم ئەنستیتۆیە وەک پێشتر ئاماژەمان پێ کرد ناوچەی پەهلەوییانە و ئێڵ و تایفەکانی وەک: هورامی، لەک، کەڵهوڕ، فەیلی، گۆران، سنجاوی، کولیایی، گروسی لە خۆ دەگرێ. هەروەها ئەو کۆچبەرانەی کە لەم ناوچەیەوە کۆچیان کردووە وەک: دیملی، شەبەک، باجەلان، جموور، زەنگنە و کۆچبەرانی لەک لە باکووی ئێران، قەزوین و شیرازیش لە خۆ دەگرێ. ئەم دامەزراوەیە ناوەندێکی فەرهەنگی و زانستییە و دوورە لە کاری بازرگانی و سیاسی. داهاتی ماڵی ئەنستیتۆ لە لایەن ئەندامان و کەسانی دڵسۆزی کۆمەڵگای یارسان دابین دەکرێت و پێوەندی بە هیچ وڵات و پارتێکەوە نییە. ئەم ناوەندە خاوەنی شورای زانستی، هونەری، ئەدەبی و کادری ئیدارییە و چالاکیەکانی ئەم بەشانەی خوارەوە لە خۆی دەگرێ:
1_ چاپ و بڵاوکردنەوەی وەرزنامەیەکی زانستی، ئەدەبی، فەرهەنگی و هونەری. لە گۆڤارەکەدا ڕا و بۆچوونی موخاڵفیش بڵاو دەکرێتەوە، بە مەرجێگ بابەتەکە زانستی بێت و پشت بە بەڵگەی زانستی ببەستێت.
2_ چاپەمەنی: هەموو ئەو پەرتۆکانەی کە شیاوی بڵاوکردنەوەن و تایبەت بە ئەم ناوچەیەن، چاپ و بڵاو دەکرێنەوە. هاوکات پشتیوانی لە کار و پرۆژەی توێژینەوە دەکات.
3_ئینسکلۆپیدیای یارسان کار لە سەر چەن هەزار مدخل و نووسراوەی زانستی دەکات کە پشت بە بەڵگەی زانستی دەبەستێت. ئەو بابەتانە لە ماڵپەڕی یارسان تۆمار کراون. هەر نووسەرێک کە دەخوازێت هاوکاری بکات، دەتوانێ لەم بەشە ناوی خۆی تۆمار بکات.
4_ خوێندنەوەی دەق، ئامادەکردن و ساخکردنەوەی کەڵامەکانی یارسان.
5_ بەڕێوەبردنی چالاکی هونەری و کارکردن لە سەر مەقام و میلۆدیەکانی ناوچەکە.
6_ سازکردنی سیمینار، کۆنفرانس و کۆنگرەی نێونەتەوەیی.
ئەنستیتۆی فەرهەنگی یارسان بە شانازییەوە دەستی هاوکاری و ڕێنوێنی بۆ کەسانی شارەزا و خاوەنی زانست و هونەر درێژ دەکات.[1]
www.journal.yaresan.com
www.yaresan.com
journal@yaresan.com
info@yaresan.com
20200817140647386950