نەوزاد پیرموسا
دیاربوون و سەرهلدانا بزاڤا ناسیونالیزما کوردى، بۆ (بەدرخان ئەمیر بەدرخان پاشا د سالا(1837)ی دەست پێدکەت. پاش ناڤبری د ناڤبەرا سالێن (1838 – 1847)ێدا هەوڵا سەربەخوبونا کوردستانێ دایە، پاش بەستنا پەیمانا (قولپا پیروز) یان پەیمانا (تفاقا کوردان) و شیایى زورینەیا سەرۆک هوزێن کوردان رێکبێخیت و ل دەردوورێ خوە کومبکەت، دیسان چاپکرنا دراڤەکا کوردى ب ناڤێ خوە کو ژ بەرەکێڤە ب ناڤێ خوە ئەمیرێ بوتان بەردرخان – Emîrê Botan Bedirxan و ژ بەرەکێ دیڤە بەروارا 1258کوچى هاتیە نڤیسێن.
مەرەما میر بەدرخان پاشا ئەو بوویە، بۆ دروستکرنا جهەکێ سیاسى مەبەست نەتەوەیى د چارچوڤەى یا دەولەتا عوسمانیدا، ئه و پەیمانا (قولپا پیرۆز) ب ئێکەمین وەرچەرخان د ئاستێ ناسیونالیزما کوردى د دیروکا نوى یا کوردان، دهێتە هەژمارتن. میر بەدرخان پاشا ل نڤێژا ئینى یێ، ب ناڤێ خوە دخواند و چو جارا ب ناڤێ سولتانێ ئوسمانى گوتار نە خواندیە. دەستهەلاتا وى لە روژهەلات ل سنورێن ئێرانێ ھەتا روژئاڤایێ کوردستان و میزوبوتامیا ب خوە ڤەدگرت.
دەستھەلاتا وی وەک ھەژموون هەر ل دیار بەکر، ھەتا موسل بەرفرەھبوو و خوان سەروەت و سامانەک بوو و سامانێ وی ل حیسابێ تێپەر ببوو. ل سەر دەمێ دەستھەلاتداریا وی پەیوەندییێن دیبلماتێک دگەل وەلاتێن جیھانێ خورت ھەبوون، بەدرخان پاشا لگور داکيومنت و بەلگە یێن ڤەکولەر و مزگینبەرێن ئەمریکى و بەریتانیدا وەسا دەربارەیێ خوە گوتیە: ئەز شاهێ وەلاتێ خوەمە، نە سولتانێ عوسمانی، هەر چەندە لمن بھێزترە بەلێ ئەز ژ وی ب شەرەفترم. هەموو ئەڤ گوتن و ئەڤ کارە ب ئاشکرا بووچون و بزاڤا سەربوخوەخاز و نەتەوەیا میراتیا بوتان (بەردخان پاشا)و پاشى خوە وەک پاشایێ کوردان ناساند.