ساڵی 1957 لە شاری قەرسی باکووری کوردستان لەدایک بووە، ساڵی 1978 #پەکەکە#ی ناسیوە و لە کاتی کۆدەتاکەی 12-09-1980دا لە تورکیا دەستگیرکراوە و لە زیندانی #ئامەد# زیندانی کراوە، یاسین بولوت لەوێ لەگەڵ کادێران و پێشەنگانی پەکەکە، لەدژی کردەوە دڕندانەکانی دەوڵەتی فاشیستی تورک بەرخۆدانێکی مێژوویی نیشاندەدات و سەر ناچەمێنێت، ساڵی 1991 سەربەست دەبێت و ڕوو لە چیاکانی کوردستان دەکات، ماوەی 15 ساڵیشە وەک ئەندامی کۆمیتەی شەهیدانی پەکەکە لە باشووری کوردستان کاری کردووە.
رۆژی #17-09-2021# لە شاری #سلێمانی# لەلایەن میتی تورکەوە تیرۆرکرا.[1]
رۆژێک دوای تیرۆرکردنی شوکری سەرحەد، ئاساییشی سلێمانی کەسێکی بە تاوانی تیرۆرکردنی دەستگیرکرد و بەیاننامەیەکیشی لەسەری بڵاوکردەوە. بەڵام میدیاکانی پەکەکە ڕایانگەیاند کە کەسی دەستگیرکراو بکوژی شوکری سەرحەد نییە!