عەدێ و مەدێ 50
غارمدا کۆرانێ، بزانم لافاو زۆری مایە بگاتەمە و پێڕادەگەم خۆم و مندارەکانم قورتار بکەم یان نا! تەماشا کۆرانێم کرد کش و ماتە، نە بارانە و نە لافاو، گۆتمە عەدێی: ئەی ئەو دەستانەت لە گێچی بگیرێن، کا لافاو؟ گۆتی: وا بەڕێکەتیە و قیچەکیدی دەگاتە ئێرە! گۆتم: ئەتوو تەواوی، هیچت نەخواردتەوە؟ گۆتی: ناوەڵلا ئەمن لەتوو دەپرسم؛ ئەتوو تەواوی؟ گۆتم: وازم لێدەینی، یان خۆم خێل کەم و سێ چار کەللەی موستەهەقت لێدەم! گۆتی: ئاخیر کێشەکە ئەلێرەیە، نە تێدەگەی، نە دەتەوێ تێبگەی، نەکەس هەیە تێت بگەینی! گۆتم: وەڵلاهی نازانم چت پێ برێم، نە هەورە، نە بارانە، نە تەزرەیە، نە زێی کەرەکێ هەستایە، تێم ناگەینی، لافاو لەکێ دێ؟ عەدێ بەینەکی باش پێکەنی و بە هەر دوو دەستی لە چۆکی دەدا، گۆتی: نارێم تێناگەی، کورە خۆ ئەمن بەفر و باران و لافاوی نارێم نا! گۆتم: ئەدی چدەرێی؟ گۆتی: کاکە لافاوی کوڕی خاری دێ، خار ناردیتی، دێ سەر لە مەدێی برا دەدات و سێ چار گۆلکیشی هینایە! بەینەکی بێدەنگ بووم و بەس تەماشا عەدێم کرد، گۆتم: ئاخر خوا چت لێبکا عەدێ، باشە ئەمن نان و پیازم لەگە لافاوی خواردیە، هەتا لافاوی بناسم! گۆتی: هاه، یەعنی ئەتوو بەتەمای هەر ئەوها بە ئاسانی بگەیە کاکە لافاوی؟ چما بە سێ پرسگانیش دەیگەیێ، ئەوڕۆ لۆمە ڕۆژەکی زۆر مێژووییە بە دیاری جەنابی شاد دەبین و سێلفی لەگەر دەگرین! گۆتم: باشە پیرۆزتان بی و لەو خۆشیەی مرن، بەس ئەو مەسەلە چ پەیوەندیەکی بەمن دایە، هەتا بێی خەبەری هاتنی تۆفانم بدەیێ؟ گۆتی: ئەووەلەن تۆفان نیە، لافاوە، سانیەن خۆت عازرکە لۆ پێشوازی، دەبی ئەتووش بێیە پێشوازی، ئەمە عیسابی پیاو ماقولمان لۆ توو کردیە! گۆتم: لێدە بابە دمبکەکەی لێدە، لەکێ هاتی بڕۆوە وێندەر، نەک لافاو، ئەگەر ئۆقیانووسی ئەتڵەسی بە کاملی بێ ئەمن نایێمە پێشوازی! عەدێ کشاوە پاش و گۆتی: یێک دوو سێ، هەر سێ تەراقم کەوی دێی، دەبی عەلەمی کوردستانیش بگری و برندی بکەیی و هەریشەقێنی!
مایتی.[1]
פריט זה נכתב בשפה (کوردیی ناوەڕاست), לחץ על סמל
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 571
כתוב את התגובה שלך על סעיף זה!