دەقی پەیامەکەی #بافڵ تاڵەبانی#:
بەبۆنەی جەژنی نەورۆز و سەری ساڵی نوێی کوردییەوە پیرۆزباییەکی گەرم لە خەڵکی خۆشەویستی کوردستان دەکەم و هیوادارم هەموولایەک لە خۆشی و کامەرانیدا بن.
جەژنی نەورۆز هێمای نوێبوونەوە و سەرکەوتنی ئیرادەی میللەتی کوردە دژی ستەم و نادادی. وەکچۆن لە ڕابردوودا گەلی کورد نەورۆزی کردە جەژنی ئازادی و سەرفرازی، هیوادارم ئەم جەژنەش بکەینە دەرفەتێک و هەموومان بە ڕۆحێکی کوردانە و دوور لە هەموو جیاوازییەکی سیاسی، یەکدەنگ و یەکڕیز بین بۆ زاڵبوون بەسەر کێشەکان و پاراستنی بەرژەوەندییە باڵاکانی نەتەوەکەمان.
دەزانین هاووڵاتییانمان نیگەرانن و کەموکورتی لە ئیدارەدان و بەڕێوەبردندا هەیە. ناڕەزایی و گلەییەکانی خەڵک لە شوێنی خۆیدایە و پێویستە زیاتر خزمەت بکرێن، بەڵام بێئومێد نین و لەگەڵ دۆستەکانمان لە هەوڵی بەردەوامداین بۆ چارەسەرکردنی کێشەکان و کۆتاییهێنان بە قۆرخکاری و ناشەفافی لە بودجەدا. جارێکیتر جەخت لەوە دەکەینەوە کە دەبێت خێروبێری ئەم هەرێمە بۆ هەمووان بێت و هیچ جیاوازییەک نەمێنێت.
دووبارە جەژنتان پیرۆزبێت و هیوای سەربەرزی و سەرفرازی بۆ هەموولایەک
بافڵ جەلال تاڵەبانی
20ی ئاداری 2022[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!
פריט זה נכתב בשפה (کوردیی ناوەڕاست), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 1,284
כתוב את התגובה שלך על סעיף זה!