دەقی پەیامەکەی #مەسعود بارزانی#:
بەناوی خودای بەخشندە و میهرەبان
بە بۆنەی سەری ساڵی نوێی بابلی ئاشووری و جەژنەکانی ئەکیتۆ، گەرمترین پیرۆزبایی خۆم ئاراستەی گەلی کلدان سریان ئاشووری لە کوردستان و عێراق و هەموو جیهان دەکەم، ئومێدی ئەوە دەخوازم، سەری ساڵی تازە دەستپێکێکی نوێ بێت بۆ خێر و خۆشی و بەرکەت و بڵاوبوونەوەی ئاشتی و تەبایی لە ناوچەکەمان و هەموو جیهاندا.
لەو بۆنەیەدا ئەوە بۆ خوشک و برایانی کلدان سریان ئاشووری و هەموو پێکهاتەکانی تری کوردستان دووپات دەکەمەوە کە مرۆڤایەتی کۆمان دەکاتەوە و هەمووان چارەنووس و خۆشی و ناخۆشیمان بەیەکەوە بەستراوە. بۆیە پێویستە بە هەموومان دەست بە فەرهەنگی پێکەوەژیان و برایەتیی نێوان هەموو پێکهاتە ئایینی و نەتەوەییەکان بگرین و دەوڵەمەندتری بکەین.
هیوادارم هەموو جەژن و بۆنەکان لە ئارامی و بەختەوەری و خۆشیدا بکەنەوە.
مەسعود بارزانی
31ی ئاداری 2022[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!
פריט זה נכתב בשפה (کوردیی ناوەڕاست), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 1,229
כתוב את התגובה שלך על סעיף זה!