ناو: پێشەوا
نازناو: پێشەوا کاکەیی
ناوی باوک: عەبدوڵلا
$ژیاننامە$
پێشەوا عەبدوڵڵا عەبدولڕەحمان ناسراو بە (پێشەوا کاکەیی)، شاعیر و نووسەرێکی کوردە، لە #19-04-1984# لە گەڕەکی جووتکانیانی #قەڵادزێ#، لە باشووری کوردستانی عێراق لە دایک بووە. خوێندی سەرەتایی و ناوەندی و ئامادەیی هەر لەم شارەدا تەواو کردووە. ساڵی 2008-2009، بەکالۆریۆسی لە (زانستە سیاسییەکان)دا لە زانکۆی #سلێمانی# وەرگرتووە. بابەتەکانی لە گەلێک ڕۆژنامە و بڵاڤۆکدا بڵاو کردووەتەوە. تا ئێستا (10) کۆمەڵە شیعری بڵاوکردووەتەوە و کتێبێکی لێکۆڵینەوەشی نووسیوە و بڵاوی کردۆتەوە و هەروەها کتێبێکیشی لەبارەی شیعرەوە نووسیوە کە لە چوار دیداری قووڵەوە سەرچاوەی گرتووە. لەگەڵ ئەوەشدا، لە ئێستادا سەرقاڵی چاپکردنی پڕۆژەی (گەڕانەوەم بۆ ئەفریقا)یە، کە بەرگی یەکەمی تایبەتە بە گەلانی کینیا، خۆی لە یازدە کتێبدا دەبینێتەوە.
چەندین توێژینەوە و خوێندنەوە بۆ شیعرەکانی کراوە و جگە لەمانە، تا ئێستا (حەوت توێژینەوەی بەکالۆریۆسی لەسەر شیعرەکانی کراوە).
1- چەمکی گوڵ، لە دیوانی (منم، دیدەوانیی گوڵ دەکەم)ی پێشەوا کاکەییدا
توێژەران: هیوا ئەکرەم عومەر + ڕابەر محەمەد محەمەدەمین
زانکۆی ڕاپەڕین/ کۆلێژی پەروەردەی قەڵادزێ، بەشی کوردی
2018 – 2019؛
2- هاوبێژیی و فرەواتایی لە شیعری کوردیدا
توێژەرەران: شەهرۆ ئەمیر ساڵح + ژیان حەسەن عەبدولکەریم
زانکۆی ڕاپەڕین/ کۆلێژی پەروەردەی قەڵادزێ، بەشی کوردی
2018 – 2019؛
3- کولتوور لە (ئەفریقانامە)ی پێشەوا کاکەییدا
توێژەران: چراخان مەحموود عەلی + ئەسما حەلی مستەفا
زانکۆی ڕاپەڕین/ کۆلێژی پەروەردەی قەڵادزێ، بەشی کوردی
2019 – 2020؛
4- لادانی واتایی لە شیعرەکانی پێشەوا کاکەییدا
توێژەران: سالم میرزا قادر + ئارام فەتاح ساڵح
زانکۆی ڕاپەڕین/ کۆلێژی پەروەردەی قەڵادزێ، بەشی کوردی
2019 – 2020؛
5- ڕەخنە لە شیعرەکانی پێشەوا کاکەییدا
توێژەر: بەناز مستەفا مەحموود
زانکۆی ڕاپەڕین/ کۆلێژی پەروەردەی قەڵادزێ، بەشی کوردی
2019 – 2020؛
6- کولتوور لە (ئەمریکانامە)ی پێشەوا کاکەییدا
توێژەر: مەهدی
زانکۆی ڕاپەڕین/ کۆلێژی پەروەردەی قەڵادزێ، بەشی کوردی
2021- 2022؛
7- فۆنیمی یەک واو و دووە واو، لە شیعرەکانی پێشەوا کاکەییدا
توێژەر: بێریڤان عومەر
زانکۆی ڕاپەڕین/ کۆلێژی پەروەردەی قەڵادزێ، بەشی کوردی
2021- 2022.
هەروەها، چوار کتێبی وەرگێڕراوەتە سەر زمانی فارسی و دووانیان چاپ و بڵاو بۆتەوە، بە ناوەکانی (آفریقانامە و زمین نامە با طعم شعر/ کوردییەکەی: ئەفریقانامە زەمیننامە بە تامی شیعر) و (آمریکانامە با طعم شیعر/ کوردییەکەی: ئەمریکانامە بە تامی شیعر) و دانەیەکش ئامادەی چاپە بە نێوی (گیتینامە – شب نامە با طعم ڕوشنایی/ کوردییەکەی: گەردووننامە) دانەکیش لە داهاتوودا چاپ دەکرێت بە نێوی (من آنم، کە گل ڕا دیدبانی می کنم/ کوردییەکەی: منم دیدەوانیی گوڵ دەکەم). کۆمەڵەشیعرێکیشی وەرگێڕدراوە بۆ زمانی عەرەبی و لە پاییزی ئەمساڵدا چاپ دەکرێت. هەروەها لە کتێبێکدا بە ناوی (شعراء من أجل السلام) کە کوردییەکەی دەکاتە: (شاعیران لە پێناو ئاشتیدا) لە وڵاتی توونسدا چاپ و بڵاو کراوەتەوە، پێشەوا کاکەیی لەگەڵ 183 شاعیری جیهاندا بەشداریان تێدا کردووە بە زمانی جیاواز، (عەبدوڵڵا قاسمی)ی توونسی ئامادەی کردووە. هەروەها چەند شیعرێکی وەرگڕدراونەتە سەر زمانی تر لەوانە: (ئەلبانی، ئۆزبەکی، ئیسپانی، ئیگبۆ، ئینگلیزی، ئێندۆنیزی، بەنگاڵی، بۆ#سنە#یی، پۆلەندی، چینی، ڕووسی، سڕبی، عەرەبی، فارسی، کازاخی، کیرگیزی/ قیرگیزی، مەکدۆنی، هیندی.(هەروەها، لە بەرگی یەکەم و دووەمی گۆڤاری شیعری ئەمریکی بە ناوی (Paradise on EARTH کە گۆڤارێکی ئۆنتۆلۆجیی نێودەوڵەتییە و بە شێوەی کتێب چاپ دەکرێت، لە لایەن (ستیفان بۆهدان) ئامادە دەکرێت و دواتر چاپ و بڵاو دەکرێتەوە. کە کتێبی یەکەم/ بەرگی یەکەم (772) لاپەڕەیە و (164) شاعیر بەشداری تێدا کردووە لە (35) وڵاتی جیاوە. کتێبی دووەم/ بەرگی دووەم (828) لاپەڕەیە) و (190) شاعیر بەشداری تێدا کردووە لە (48) وڵاتی جیاوە.
هەروەها (پازدە خەڵاتی وەرگرتووە لە ساڵانی 2020-2021-2022)دا. ئێستایش نیشتەجێی قەڵادزێیە و فەرمانبەری زانستگەی ڕاپەڕینە.
$ناو شوێنی خەڵاتەکان:$
1- وشەکانم: ڕێنیسانس
(my words: a renaissance)
لەم شوێن و ناوەندە، (6 خەڵات)ی وەرگرتووە کە لە وڵاتی هیندستانە.
(لە ساڵی 2020-2021)دا.
2- پەیدبوونی نووسەرانی جیهان: بەرزکردنەوەی نووسەرانی نایاب.
(genesis world writers: raising writers of excellence)
لەم شوێن و ناوەندە، (4 خەڵات)ی وەرگرتووە کە لە وڵاتی نێجریایە.
(لە ساڵی 2021)دا.
3- ماڵی شیعریی دەزگای کولتووریی کۆلۆمبیای سیحر و پەڕەکان.
institución cultural colombiana casa poética magia y plumas
لەم شوێن و ناوەندە، (2 خەڵات)ی وەرگرتووە، کە لە وڵاتی کۆلۆمبیایە.
(لە ساڵی 2021)دا.
4- ئەرشیفی ئەدەبی بەنگلادش:
Literature archive Bangladesh
لەم شوێن و ناوەندە، (1 خەڵات)ی وەرگرتووە کە لە وڵاتی بەنگڵادیشە.
(لە ساڵی 2021)دا.
5- ئەدەب و هونەری نێودەوڵەتی
International Literature and the Arts (ILA Magazine)
لەم شوێن و ناوەندە، (1 خەڵات)ی وەرگرتووە کە لە وڵاتی ئەمریکایە.
(لە ساڵی 2021)دا.
6- ناوەندی شیعر
(Poetry Center) Chukwuma Chika Ocm
لەم شوێن و ناوەندە، (1 خەڵات)ی وەرگرتووە کە لە وڵاتی نێجریایە.
$بەرهەمە شیعریی و ئەدەبییەکانی بریتین لە:$
1- پاشماوەی هەناسەکان، کۆمەڵەشیعر، چاپی یەکەم، چاپخانەی گەنج، سلێمانی، 2008؛
2- منم، دیدەوانیی گوڵ دەکەم، چامە/ شیعر، چاپی یەکەم، چاپخانەی دیلان، سلێمانی، 2011، چاپی دووەم، چاپخانەی کارۆ، سلێمانی، 2019؛
3- باغ: غەزەلی تۆ، شیعر، چاپی یەکەم، چاپخانەی پەنجەرە (تاران، ) 2015؛
4- لە خانۆچکەکەی ماڵی پوورە خونچێمەوە بۆ کەلاوەکەی سەعیدیان، (دەقی واڵا، ) چاپی یەکەم، چاپخانەی کارۆ. سلێمانی، 2017؛
5- ئەفریقانامە و زەمیننامە بە تامی شیعر، (پڕۆژەی یەکەم و دووەم، ) شیعر، پەخشان، پەخشانەشیعر و گێڕانەوە، چاپی یەکەم، چاپخانەی کارۆ، سلێمانی، ساڵی 2018؛
6- ئەمریکانامە بە تامی شیعر، (پڕۆژەی سێیەم و چوارەم، ) ڕۆمانەشیعر/ قەسیدە، چاپی یەکەم، چاپخانەی کارۆ، سلێمانی، ساڵی 2018؛
7- گەردووننامە، شیعر، لە بڵاوکراوەکانی کتێبی نووسیار- دانیمارک، چاپی یەکەم، چاپخانەی کارۆ، سلێمانی، 2019؛
8- بونیادنانەوەی ڕووناکی لە گەڕانەوەی زەردەشتی ئەحمەدی مەلادا، لێکۆڵینەوە، ناوەندی ڕۆشنبیریی ئەندێشە، چاپی یەکەم، سلێمانی، 2020؛
9- نەمرەڕێ، چامە-کتێب، لە بڵاوکراوەکانی کتێبی نووسیار- دانیمارک، چاپی یەکەم، چاپخانەی کارۆ، سلێمانی، 2021؛
10- بیری شیعر و خەیاڵی زمان، دیدار لەبارەی شیعرەوە، چاپی یەکەم، چاپخانەی کارۆ، سلێمانی، 2021؛
11- زەریا و بەستەڵەکی باشوور، بە تامی شیعر؛ (پڕۆژەی پێنجەم)، ڕۆمانەشیعر-دەقی واڵا، چاپی یەکەم، چاپخانەی کارۆ، سلێمانی، 2022؛
12- لە پەنجەرەوە، دەڕوانمە گوێدرێژەکەی نالی، شیعر-پەخشانەشیعر، چاپی یەکەم، چاپخانەی کارۆ، سلێمانی، 2022.
[1]