کۆچ و مەرگی سەرهەڵگرتوان داخبارمان دەکات
بەداخێکی گرانەوە، دیسانەوە سەرچاوەکانی هەواڵ باسیان لە کارەساتێکی دیکەی کۆچبەران کرد کە لە نێوان وڵاتی بەریتانیا و فەرەنسادا ڕوویداوە. بە گوێرەی هەواڵەکان، بەلەمێک کە کۆچبەرانی نایاسایی دەگوازتەوە، لە کەناڵی مانش، لە نێوان بەریتانیا و فەرەنسا وەرگەڕاوە و ژێر ئاو کەوتووە، بەو هۆیەشەوە زیاتر لە سی کەس خنکاون، کە سێ منداڵ و ژنێکی بارداریشیان لەگەڵدا بووە؛ بە شیمانەی زۆرەوە، ئەوانەی بوونەتە قوربانی، زۆربەیان کوردی هەرێمی کوردستانن و لەبەر ستەم و نابەرابەری سەری خۆیان هەڵگرتووە و ڕوویان لە هەندەران کردووە.
ئێمە لە #بەرەی گەل#، لەکاتێکدا ئەم ڕووداوە بە کارەساتێکی جەرگبڕ دادەنێین، هەروەها داخباری و نیگەرانی خۆمان دەردەبڕین و سەرەخۆشی لەبنەماڵەی قوربانیەکان دەکەین، لە هەمان کاتدا بەرپرسانی وڵات بە هۆکاری ئەو کۆچە دەزانین و هەموو ئەو کەس و لایەنانەش تاوانبار دەکەین کە بازرگانی بە مرۆڤەوە دەکەن.
هەر لەم پێوەندەدا داوا لە خەڵکی کوردستان دەکەین کە دان بە خۆیاندا بگرن و بیر لە داهاتووی نیشتمانەکەمان بکەنەوە، ڕاستییەکەی لە جیاتی سەرهەڵگرتن و کۆچ کردن، باشتر و گونجاوتر ئەوەیە کە ڕیزەکان پتەو بکرێن و لە دەورەی بەرەی ئۆپۆزیسیۆن کۆببنەوە، چونکە تەنیا بە دەستاودەستکردنی دەستەڵات، ماف و داخوازییە ڕەواکان دابین دەبن، بژێوی خەڵک باش دەبێ و کەشتی نیشتمان لە لێواری بێوەییدا ئارام دەگرێ و دەگیرسێتەوە.
ڕاستییەکی حاشا هەڵنەگرە کە گەنج و لاوانی کوردستان لە خۆڕاوە سەرۆڕۆیی ناکەن و یاری بە چارەنووسی خۆیان ناکەن و بەرەو نادیاری سەر هەڵناگرن، بەڵکو لە ئازاری ژان و برینەکانی خۆیانەوە وەزاڵە هاتوون، بۆیە ئەرکی دەستەڵاتدارانی هەرێمی کوردستانە کە واز لە لاملی و کەللەڕەقی بهێنن و داخوازیە ڕەواکانی جەماوەر جێبەجێ بکەن.
وتەبێژی بەرەی گەل
#25-11-2021#
[1]
פריט זה נכתב בשפה (کوردیی ناوەڕاست - Central Kurdish), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 1,302
כתוב את התגובה שלך על סעיף זה!