سۆفیلکەی قون قوڵەتێن
قوڵەتێن: کانیاوێکە ئاوی لەبەر دەڕوات و لەبەر کانیەکە گۆمێکی بچووک و ماوە کورتی هەیە چ وەک سروشتی و خۆرسک بێت یان بۆی دروستکراوە، هەندێجاریش لە قوڵپ و سەرچاوەکەی خۆیەوە ووردە ووردە بە چەکوچ و قەڵەمکاری هەڵکەنراوە و پڕ دەبێت لە ئاو و ئاوەکەی وەکو هەموو ئاوی کانی و کانیاوەکانی کوردستان زستانان شلەتێنە، بۆیە لە کۆندا مزگەوتی لەنزیکەوە بۆ بونیاتنراوە بۆ دەستنوێژ هەڵگرتن و خۆشوشتنی پیاوان، کەواتە نزیکە بوترێت لە(هەڵقوڵان)ەوە هاتبێت وەکو ناوی گوندی(#قوڵقوڵە#)ی #دەشتی کۆیە# و ئاوی قوڵەی #ڕانیە#، قوڵپ و تینی گەرمی ئاوەکە وشەی قوڵەتێنی لێ پێکهاتووە، پێشینان لە سەر قوڵەتێن کۆمەڵێک گاڵتە و گەپ و قسەی خۆشیان بۆ یەکتری گێڕاوەتەوە و خەریکی دەست نوێژ هەڵگرتن و چاوەڕێی بانگ و کاتیان لێ بەسەربردووە، سۆفی: ئه و کەسەی دەروونی خۆی پاک بکاتەوە و خوداناسی و خەڵوەت و چلەکێشی بکات و دونیای خانۆچکه و کایەی مناڵان بەجێ بهێڵێت و بەتەواوی خۆی یەکلابکاتەوە بۆ پەرستن و خوداناسی، سۆفیلکە: بچوککردنەوەی سۆفیە، زیاتر بۆ بەکەم سەیرکردن و سووککردنی دەگوترێت، قون: واتە نزیک و لەکن یان لە تەک قوڵەتێنەکە، لەڕووە ڕاستەقینەکەدا چ وەک ئەوەی زوو زوو تارات(تەهارە) هەڵبگرێت و بەردەوام بە هۆی تارەتەوە قنگی تەڕ بێت شێوەی قوڵەتێن، چ زۆر نزیک بێت لە قوڵەتێنەکەوە، لێرەدا سۆفی و قوڵەتێن بوون بە بنەمای سەرەکی ئیدیۆمەکە، وەک پەلار و توانج و تەوس و بەکەم سەیرکردن بەکەسێک کە خۆی واپیشان دەدات کە بەرماڵی لەسەر ئاو دەڕوات لەڕاستیشدا وانەبێت بەتەوس و گاڵتەوە پێی دەوترێت: سۆفیلکەی قون قوڵەتێن.[1]
פריט זה נכתב בשפה (کوردیی ناوەڕاست - Central Kurdish), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 912
כתוב את התגובה שלך על סעיף זה!