جۆری وشە: ناو
واتا: گورگەمێش: گیاندارێکی چوارپێی دووڕەگە، وەچەی لە دێڵی گورگ و گەماڵی سەگ پێکدێت، جۆرە ئاژەڵێکی کێویی خۆڕسک دەردەچێت، لە کوردەواردا پێی دەوترێت: (گورگەمێش) بەرووکەش شێوەی سەگ و گورگ تێکەڵە و زۆر فەقیرە بەڵام بێ ئەنداز زۆرزان و وریایە، بۆ پاسی ڕانەمەڕ نابێت چونکە مەڕ دەخوات، پێش دەوترێ (سەگی زیانی) . [1]
نموونە لە پەندێکی کوردی: #دەڵێی گورگەمیشە بۆ زیرەکیی#

نموونە:
چ سپڵەن ئەو سەگانەی گورگەمێشن
کەلاک بۆ گورگی برسی ڕادەکێشن

گورگەمێش: سەگێک کە هاوکاریی گورگ بکات.
وێنەکە دەستنووسی هێمن موکریانییە

شێخی خاڵ ئاوای لێک داوەتەوە:
گورگەمێش:
1. سەگێکە کە لە تۆوی گۆڵەگورگ و دێڵەسەگ پەیدا بووبێ
2ٚ. (ئەردەڵانی) یەکێکە زمانی خۆش بێ و دڵی ناپاک بێ.
گورگەمێش لە گورگومێش جیایە. گورگومێش واتە بەربەیان، تاریکوڕوون، بوولێڵە. (Ziyad Asaad ) [2]