#کۆشکی ئاسف# - #ماڵی ئاسف وەزیری#، لە شاری #سنە# کە بە ماڵی کورد ناسراوە، وەک هێما و سیبمولی ناسنامە و کولتووری کورد و گەنجینەی کوردناسی وایە، یەکێکە لە گرنگترین شوێنە کولتووریی و مێژووییەکانی ڕۆژهەڵاتی کوردستان.
ئەم کۆشکە دەکەوێتە شەقامی شاپووری، ڕووبەرەکەی نزیکەی چوار هەزار مەترە و چوار حەوشەی هەیە، چوار کۆشکی گەورە لەناو حەوشەکەدا هەیە.
کۆشکی ئاسف یەکێکە لە کۆنترین باڵەخانەکانی شاری سنە، لەلایەن “#ئاسف ئەعزەم#” ناسراو بە #میرزا عەلی نەقی خان لەشکرنووس#، لە سەردەمی #سەفەوی# دروستکراوە و دواتر لە سەردەمی #قاجاری# پەرەی پێدراوە.
کۆشکی ئاسف ئێستا بووەتە یەکێک لە گەورەترین موزەخانە کەلەپوورییەکانی ئێران، چەندین بەشی جیاوازی لەخۆ گرتووە، لەوانە:
گەلەری، حەوشەی چوونە ژوورەوە، حەمام، ژووری ڕازاندنەوە، کشتوکاڵ، کاری دەستی، خواردنگە، ژووری ژیانی گوندی و شاری، کتێبخانە، ژووری خان، ژووری ڕاو، ژووری جلوبەرگی کوردی.
ئامادەکردنی: سارا سەردار
[1]