شاه ب قەسدا کوشتنا من ڕم هەژاندن بێسەبەب
دا مە چەشمێ قەهر و خەشمێ ڕم ل دل دا گۆ ئەدەب
کوشتییێن دیدار و دینێ بێخەتا هەر دەه سەدن
هەر سەحەر دیسا ژ نوو وێن تێنە کێرێ سەد جەلەب
دێ ژ چەرخێ پەنجومین بێتن تەنەززول کت مەریخ
مسلێ شەمسێ گەر کشینیتن ل وان تیغێن غەزەب
هەر مەجالا ئەو د جەنگێ بێت و ڕەت هەر جارەکێ
راست و چەپ دێ بێختن سەد سەد ب مزراق و قەسەب
روستەم و جەمشید و خالد، حەمزە یان شێرێ عەلی
ئافەرین یا شەهسوارێ تورک و ڕمبازێ عەرەب
لێ ل تۆلێ ئاستانێ چخ ب وان لەعلان کرن
دەرگەهێ فەتحێ ڤەبوو ئیرۆ ل مەهجووران عەجەب
بەندەیێ سادق سەحەر ئامانجێ ڕەشتووزێن خوە کر
من ب قەولێ دژمنان دت بەر خەدەنگان بێسەبەب
لەشکەرێ قەهر و غەمان وێ چوون حسارا دل بکن
کەعبە و بەیتو ل-حەرامە لێ ب نوور بێتن ڕەجەب
سوفتییێن پوڕ لەعل و مەرجانان ب موژگانان حەتا
دیدە ڕەوشەن بوون ب دینا دێمدورێ سیمینغەبەب
ئێ ڤ غوزری ڕا دڤێت ئاڤا حەیاتێ بت نەسیب
دێ ب سەعی و جەهدێ یەکسان بن ل بال وی ڕۆژ و شەب
خدمەتا پیرێ موغان دێ کت کەسێ مەقسوودە مەی
شیشە و جاما زوجاجێ ئێ دڤێت دێ ڕەت حەلەب
جەورێ هندی دێ کشینت هەر کەسێ تاوووس دڤێت
گەوهەر و دوررا یەتیم بێ تەرکێ سەر تێتن تەلەب
غەفلەتی ئەو کەششفی شیر دەست ب دەست هاتن جەگەر
گۆ غەبینەت یا مەلا مسکین مە لێ کەر کر کەزەب
#مەلای جزیری# [1]