تۆرا لالش:
خانمەکا ئێزدی یا ل ژێر دەستێ ڕێکخراوا تیرۆرستی یا #داعش#،ب شێوازەکێ سەیر و سەرەنجراکێش بۆ ماوێ نەه هەیڤێن تەمام کاری کچا خۆ ژ دەستدرێژیێن تیرۆرستێن داعشێ بپارێزت. مەنال خەلات،کچەکا ڕزگاربووی ئێزدی یە، ل سالا 2000ێ ل گوندێ حەردان سەر دەڤەرداریا #شنگال#ێ ڤە ژدایکبوویە،چیرۆکا خۆ بۆ باسنیوز ڤەگەراند و دیارکر،ل ڕۆژا3/8/2014ێ دگەل خێزانا خۆ ل دۆریانا حەردانێ ژلایێ تیرۆرستێن داعشێ ڤە هاتینە دەستەسەرکرن،ئەم نێزیکی پێنجی کەسان بووین،تیرۆرستان هەر ئێکسەر زەلام ژ مە جودا کرن و کچ و ژن ژی سواری ترومبێلان کرن و برینە تەللەعفەر،هەتا دنیا هەبت چوو جاران ئەوان دیمەنێن ب پێخواسی و چاڤێن تژی ڕۆندک یێن دەیک و زارۆکان ژبیر ناکەین.
دبەردەوامیا ئاخفتنا خۆ دا گۆت:تیرۆرستێن داعش ل تەللەعفەرێ ئەم برینە قوتابخانەیەکێ و پشتی بیست ڕۆژان پاشی ئەم برینە زیندانا بادووش ل مووسلێ، خەلکەکێ زۆر یێ ئێزدی دوێ زیندانێ دا بوون و هەموو کچ و ژن بوون،پشتی بیست ڕۆژان جارەکا دی هندەک چەکدارێن تیرۆرستێن داعش هاتن و هەردوو خوشکێن من زینا و خالیدا دگەل کۆمەکا کچ و ئافرەت و زارۆکان ڤەگوهاستنە تەللەعفەرێ و ل وێدەرێ بۆ ماوێ دوو مەهان ڤەگوهاستنە (کەسر ئەلمحراب).
مەنالێ دیارکر ژی دایکا من زۆر هەول ددا من و خوشکێن مە ڤەشێرت داکو چەکدارێن تیرۆرستێن داعش مە نەرەڤینن،بەلێ ئەو تیرۆرست گەلەک د پیس بوون،رۆژەکێ هندەک تیرۆرست هاتنە تەللەعفەر پشکنین دگەل مە کر و لدووڤ کچان د گەریان داکو بۆ خۆ ببەن، ل وێدەرێ من پرچا خۆ گەلەک تەڤلی هەڤ کر و جلوبەرگێن پیس کرنە بەرخۆ داکو تیرۆرست وەسا تێبگەهن ئەز یا دینم و داکو من نەرەڤینن و نەبەن،رۆژەکێ تیرۆرست هاتن داکو کچان ب خۆ ببەن، پرچا من گەلەک یا درێژ بوو، دەیکا من پرچا من کورت کر و وەکی کورکا لێ کرم و جلوبەرگێن کورکان کرنە بەر من و ب ئەڤێ چەندێ چەندین مەهان تیرۆرستێن داعشێ نکارین من ببەن.
وێ کچا ڕزگاربووی ئاشکەراکر،دەیکا من ناڤێ من ژ مەنالێ گهۆری بۆ ناڤێ (سامر) بۆ ماوێ نەه هەیڤان چەکدارێن تیرۆرستێن داعشێ نەدزانین ئەز کچم یا ژ وانڤە ئەز کورم، لێ ل داویێ چەکدارەکێ داعش بەرەف من ڤە هات و گۆتە من دزانم توو نەکوری توو کچی ئەز تە ب خۆ ببەم،ئێدی پشتی وەسا گۆتی و ئاشکەرا بوویم ژ ترسان دا گێژ بووم و کەفتمە سەر ئەردی و پاشی گەلەک ئەشکەنجەدام و گەلەک نەخۆشی و دەردەسەری ل بن دەستێن چەکدارێن تیرۆرستێن داعشێ من دیتن.[1]
פריט זה נכתב בשפה (کرمانجی - کوردیی سەروو), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
פריט זו נצפתה פעמים 1,270
כתוב את התגובה שלך על סעיף זה!