ماتۆڕسوارانی یانەی عێراقی عێراقی، بۆ یارییەکانی ماتۆڕسواری و ئۆتۆمبێل بەشدارییان لە پاڵەوانێتیی جیهان بۆ گەشت بە ماتۆڕ لە وڵاتی یۆنان کرد و پلەی سێیەمیان بەدەستهێنا.
کێبرکێی پاڵەوانێتی جیهانی گەشت بە ماتۆڕسواری ئەمساڵ بە بەشداری 17 وڵات لە کەڤەلانیای یۆنان ماوەی چوار ڕۆژ بەردەوامبوو، شاندی عێراق 10 کەس بوو کە 6 یان ماتۆڕسوار بوون.
ماتۆڕسوارەکانی یانەی عێراقی عێراقی بۆ یەکەمجار بەشداری کێبرکێیەکی جیهانیان کرد و گەشتێکی دوور و درێژییان بە ماتۆڕ ئەنجامدا کە لە شاری بەغدا دەستیپێکرد و لە یۆنان کۆتاییهات ماوەکەی 3000 کیلۆمەتر بوو.
رائید بەیاتی، سەرۆکی یانەی عێراق بۆ یارییەکانی ماتۆڕسواری و ئۆتۆمبێل لە لێدوانێکی تایبەت ڕایگەیاند ئێمە شانازی دەکەین کە لەسەر ئاستی هەموو وڵاتە عەرەبییەکان تاکە شاندی عەرەبی بووین هاوشانی بەهێزترین ماتۆڕسوارەکانی ئەوروپا بەشداریمان کرد و ئاستێکی بەرزمان پێشکەشکرد.
کێبرکێی ماتۆڕسواری جیهان ئەمساڵ بریتی بوو لە گەشتی ماتۆڕسوارەکان بۆ 4 شاری یۆنان، هەڵبژاردەی فەڕەنسا نازناوەکەی بردەوە و بەلجیکا لە پلەی دووەم هات، ماتۆڕسوارانی عێراقیش ململانێیەکی بەهێزیان کرد و پلەی سێیەمیان پێدرا.
بەیاتی زیاتر ڕوونیکردەوە (لە کۆبوونەوەی فیدراسیۆنی ماتۆڕسواری جیهان بەشێوەیەکی فەرمی داوامانکردووە نمایشەکانی پاڵەوانێتی جیهان لە یەکێک لە شارەکانی هەرێمی کوردستان میوانداری بکەین، لەبەرئەوەی جوانی سروشت و باشی باری ئاسایشی ناوچەکە شایستەی ئەوەیە ماتۆڕسواران گەشتی بۆ بکەن). [1]
פריט זה נכתב בשפה (کوردیی ناوەڕاست), לחץ על סמל
![](https://www.kurdipedia.org/images/flags/ku.png)
כדי לפתוח את הפריט בשפת המקור!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
פריט זו נצפתה פעמים 1,016
כתוב את התגובה שלך על סעיף זה!