قەباڵەکۍ هۆرامانی
بەشۍ ششەمە

. مستەر کاولی، جە گۊڤارو شاهانەو ساڵەو(1919)ینە، دەربارەو زوانو ئا قەباڵۍ کە بە ئەلف بۍ ئارامی نویسیان، پاسەش قەڵەم دان کە زوانەکەش زوانی(پەرثی)ن و شېوەو نویستەکەیچش سەیرەن، بە تەعرێ کە چن واچێوە بە چن جۊرێ وانیاوە، بەعزەجارێ چن پیتێ کە گۊنجنیێبا چەنی زوانەکەی، پاسە بەرمەگنان. بە ڕۊشەنتەری گەرەکش بیەن پەنەمان واچۊن کە ئەلف بۍ ئارامی، بە خاترەو چن (چۊکڵێوە) کە پەیش کریان، چەنی ئاوازو زوانو ئا دەمەو ئا ناوچا گۊنجنیان، تەماشەو ئی سەرچەمەیە کەرە.
Journal Of the Royal Asiatic Society, 1212.
The Pahlavi Document from Avroman, By A. Cowley”
کاولی سەرپاک و ڕەسەنی و ڕەچەڵەکو واچەکا و بنەچەشان، بە پاو پەیلوای و لەیەکدایۆ وېش دیاری کەردەن و هامشانو ئانەیچە مانای لېویێ جۊراو جۊرۍ پەی چن واچێ(ڕانویس کۊر)ی (مانا ناڕۊشن)ش ئاردەنۆ.
کاولی، دەسنیشانو واچۍ پارسی کۊن و یۊنانی و ئاشووری و هینی ئارامیی دلۍ زوان و تێکستەکێنە کەردەن، هۊرگېڵنای ئانەو کاولی ، بە پامان و زامان چەنی پلارەو دەمەتەقۍ وېما چا ڕوۆ دمای ئینەیرە مێ.
3.د.خانلری(دوکتور پەروېز ناتل خانلەری_تاریخ زبان فارسی)
جە بەرهەمو(مېژوو زوانی فارسی)نە، پاسە پەیش لوان کە زوانو دلۍ ئا قەباڵۍ هۆرامانییە، کە مېژوو تۊمارکەردەیش پەی ساڵەکا(11-12)و وەڵی زاینی مەگېڵۊوە، زوانو پاڵەوانێ بۊن و مەبەسش جە زوانو پاڵەوانێ، زوانی(پەرثی)ن، یان زوانو ئەشکانیەکان(د.خانلری_تاریخ زبان فارسی، ل- 25-252).
4. پروفیسور ئار.جی.کەنت، چی بەرهەمەشەنە:
Old Persian, Grammar Texts Lexicon, by Roland G. Kent Professor Emeritus
of Ind _ European Linguistics University of Pennsylvania. American Oriental
‎ Society, New Haven, Connecticut,
پاسەش پەی لووان، شېوە زوانو دلۍ قەباڵەکا هۆرامانی، کە بە ڕانویسی ئارامین و ساڵەو(11-12)و وەڵۍ زاینی تۊمارکریان، شېوە زوانو(پەرثی= خالدی)ین، گەر شېوە زوانو میدیەکا نەبۊن، نزیکتەرین شېوە زوانەن بە زوانی میدیی.[1]