جارێکی تر پێشنیازی هاتنە خوارەوەی گۆڕان لە گردەکە دەکرێت
جارێکی تر پێشنیازی هاتنە خوارەوەی #بزووتنەوەی گۆڕان# لە گردی زەرگەتە لە شاری #سلێمانی# کراوە، کە مەکۆی سەرۆکی بزووتنەوەکەیە.
لە چوارچێوەی ئەو هەوڵانەی بۆ ڕێکخستنەوەی ئۆرگانەکانی گۆڕان دەستپێکراوە، پێشنیازی هاتنە خوارەوەی بارەگاکانی گۆڕان لە گردی زەرگەتە کراوە.
پێشنیازەکە لەلایەن بورهان یاسین کەسایەتی سیاسی و یەکێک لە دامەزرێنەرانی بزووتنەکە کراوە، ئەوەش لە پێناوی ڕازیکردنی ئەو سەرکردانەی گۆڕان، کە لە بزووتنەوەکە ناڕازین و ئامادەنین بگەڕێنەوە گردەکە.
زانیارییەکان باس لەوەش دەکەن، کە ئەمە جاری دووەمە ئەو پێشنیازە دەکرێت و کوڕەکانی #نەوشیروان مستەفا#ش پشتگیری ئەو پێشنیازە دەکەن، بەڵام بەشێک لە سەرکردەکانی گۆڕان تائێستا ڕازی نین بەو پێشنیازە. [1]