لە ماوەی 11 مانگی ڕابردووی ئەمساڵی 2022 لە دادگای #سلێمانی#، 16 هەزار گرێبەستی هاوسەرگیری تۆمارکراون و لە دادگای #هەڵەبجە#ش 11 هەزار و 70 گرێبەستی هاوسەرگیری تۆمار کراون، نزیکەی لە %30 ئەو هاوسەرگیرییانە هەڵوەشاونەتەوە.
لە دادگای سلێمانی لە ماوەی 11 مانگی ڕابردووی ئەمساڵ 16 هەزار و 12 پڕۆسەی هاوسەرگیری لە داگای باری کەسی سلێمانی تۆمارکراون، لە %68 ئەو کوڕ و کچانەی هاوسەرگیرییان کردووە تەمەنیان لەنێوان 18 بۆ 20 ساڵیدا بووە. لە %15ی ئەوانەشی گرێبەستی هاوسەرگیریان بۆ کراوە ئەو پیاو و ژنانە بوون بۆ جاری دووەمیان بووە بچنە پڕۆسەی هاوسەرگیرییەوە.
لە مساڵدا زۆرترین خواست لە تۆمارکردنی پڕۆسەی هاوسەرگیری لە ڕێکەوتی #02-02-2022#دا بووە، کە پێشتر کاروبارەکانیان تەواو کردووە، بەڵام لەو بەروارە گرێبەستەکەیان تۆمارکردووە ئەوەش بەهۆی جوانی ئەو بەروارەوە، بەڵام هەر لەمساڵدا لە کۆی ئەو 16 هەزار و 12 پڕۆسەی هاوسەرگیرییەی کە لە سلێمانی تۆمارکراون پێنج هەزار و 12 کەس داوایان تۆمارکردووە بۆ هەڵوەشاندنەوەی گرێبەستی هاوسەرگیرییەکەیان و لێک جیابوونەتەوە.
لە ماوەی 11 مانگی ڕابردووی ئەمساڵ 11 هەزار و 70 گرێبەستی هاوسەرگیری تۆمارکراون، لەو ژمارەیەش سێ‌ هەزار و 76 هاوسەر لە یەکتر جیابوونەتەوە، بەراورد بە 11 مانگی ساڵی ڕابردوو پڕۆسەی هاوسەرگیری لە هەڵەبجە کەمی کردووە کە لە ساڵی 2021 دا 12 هەزار و 98 گرێبەستی هاوسەرگیری تۆمارکراون، بەڵام جیابوونەوە زۆرتربووە و بووەتە سێ‌ هەزار و 86 هاوسەر لێک جیابوونەتەوە. [1]