Navê pirtûkê: Destxeta Petersburgê
Navê nivîskar: Jan Dost
Cihê çapkirina pirtûkê: Kobanî
Navê çapxaneyê: Weşanxaneya Ava
Sala çapê: 2021

Romana Destxeta Petersburgê ya nivîskar Jan Dost, behsa du kesan dike.
Kesayeta yekem Mele Mehmûdê Beyazîdî ye, ku kesekî li Erzerûmê naskirîbû û bi eslê xwe ji Beyazîdê ye. Kesayeta duyem jî August Jaba ye, ku bi eslê xwe Polonî ye û balyozê Rûsîyayê bû.
Mehmûd ji ber têkçûna rewşa xwe ya aborî û kuştina birayê wî ya di şerê Qirmê da, neçar dimîne ku biryara vegera li Beyazîdê bistîne.
Lê Jaba ji bo ku rê li ber çûyîna wî bigire, ji wî ra pêşnîyara nivîsîna pirtûkên li ser civak û êlên Kurdan bi beranberî peran, pêşkêş dike.
Wek encam Mele Beyazîdî û Jaba dest bi karên hevbeş dikin, wek wergera pirtûkan ji bo Akademîya Rûsî ya Petersburgê.
Yek ji berhemên wê demê jî Destxeta li ser Kurdan bû, ku wek destxeta herî girîng tê nasîn. Sedem jî ew e, ku di wê destxetê da mêjûyeke windakirî tê dîtin.
Piştî bidawîhatina nivîsîna wê destxetê, Beyazîdî wê radestî Jaba dike.
Jaba jî yê ku wek balyoz dixebitî, piştî bi dawîhatina karê xwe, wê destxetê û tev li çend pirtûkên din ên Beyazîdî bi xwe ra dibe Ezmîrê.
Di roja me ya îroyî de, ew pirtûk hemî tên dîtin, lê bi tenê destxet naye dîtin.
Di vê romanê da behsa çîroka vê destxetê û jîyana Beyazîdî dibe. Herwiha behsa rewşa empratorîya Rûsî, jîyana Jaba û sedema berîdana Jabayî ya ji bo Kurdî, tê kirin.[1]